Si ou té ni pou dékwi lavi lézòm jòdi, pitèt ou té kay di menm bagay-la Bib-la di nou an Jòb 14:1: ‘Lavi lézòm kout, épi i plen pwòblenm.’ Mé, ès sa sé kalité lavi-a Bondyé té vlé ban nou? Ki kalité lavi Bondyé té vwéman vlé ban nou? Ès nou kay janmen ni an bon lavi? Sé wépons-lan Bib-la ka bay pou sé kwèsyon sala, sa vwéman soulajé nou.

1. Ki kalité lavi Jéhova vlé ban nou?

Jéhova vwéman vlé nou ni an bon lavi. Anfen, lè’y té fè Adanm épi Èv, i mété yo adan an bèl pawadi, jaden Édenn. Apwé sa, Jennésis 1:28 di: ‘Bondyé benni yo, èk Bondyé di yo: “Fè ich, fè an chay ich, pléplé latè-a èk ni latè-a anba pouvwa zòt.”’ Konsa, Jéhova té vlé yo fè ich, swen sé zannimo-a, èk fè latè-a vini yon pawadi. Wi, Bondyé té vlé tout moun ni bon santé épi viv pou tout tan!

Magwé nou pa ni lavi sala jòdi jou,a Bondyé vlé nou ni an bon lavi toujou. (Izaya 46:10, 11) Vwéman, i vlé lézòm ki obéyisan viv pou tout tan adan an bèl latè.—Li Wévélasyon 21:3, 4.

2. Ki mannyè nou sa enjwi an bon lavi apwézan?

Lézòm bizwen diwèksyon Bondyé. Sé konsa Bondyé fè nou. Sé pou wézon sala nou ni dézi-a pou konnèt li èk pou adowé’y. (Li Mafyou 5:3-6.) Jéhova vlé nou vini jan’y. (Sam 25:14) I di nou: ‘maché an tout chimen’y, enmen’y’ èk sèvi’y ‘épi tout tjè [nou].’ (Ditonronnonmi 10:12) Lè nou fè sa, nou sa vini jan épi Jéhova èk lavi nou kay ni pli valè. Alò, menm si nou ni pwòblenm, nou sa vwéman enjwi an bon lavi apwézan.

3. Jéhova vlé lézòm ni an bon lavi

Annou gadé VIDIYO-A, èk apwé nou kay kozé asou kwèsyon sala:

VIDIYO: Pouki Bondyé Kwéyé Latè?—An Ti Pòsyon (1:41)

• Pouki Bondyé té kwéyé bèl latè nou-an?

Annou li Ékléziyastis 3:11, èk apwé nou kay kozé asou kwèsyon sala:

• Kisa vèwsé sala ka di’w konsèné Jéhova?

4. Jéhova té toujou vlé nou ni an bon lavi, èk sa p’òkò chanjé

Annou li Sam 37:11, 29 èk Izaya 55:11, èk apwé nou kay kozé asou kwèsyon sala:

• Ki mannyè nou sav Jéhova p’òkò chanjé lidé’y pou ban nou an bon lavi?

5. Lè nou adowé Jéhova lavi nou ka ni pli valè

VIDIYO: Mwen Apwann Pouki Mwen Asou Latè-a (5:03)

• Ki bennéfis Terumi té twapé lè’y apwann pou ki wézon i asou latè-a?

Annou li Ékléziyastis 12:13, èk apwé nou kay kozé asou kwèsyon sala:

• Lè’w katjilé asou tout sa Jéhova ja fè ban nou, ki mannyè nou sa moutwé apwésiyasyon?

CHONJÉ SÉ PWEN SALA

Jéhova vlé nou enjwi lavi pou tout tan adan bèl kondisyon asou latè-a. Lè nou adowé Jéhova épi tout tjè nou, lavi nou ka ni pli valè dépi apwézan.

Annou Wivizé Sa Nou Ja Apwann

• Ki kalité lavi Jéhova té vlé bay Adanm épi Èv?

• Ki mannyè nou sav Jéhova vlé nou ni an bon lavi toujou?

• Kisa ou ni pou fè pou lavi’w ni pli valè?

LÒT ENFÒMASYON OU SA GADÉ

Apwann pouki nou asiwé jaden Édenn té vwéman ègzisté.

“Ès Jaden Édenn Té Vwéman Ègzisté?” (Gad-la, li 1 Janvyé, 2011)

Apwann pouki nou asiwé latè-a kay la pou tout tan.

“Ès Latè-a Kay Détwi?” (yon atik asou jw.org)

Ègzanminé sa Bib-la ka di konsèné wézon-an nou asou latè-a.

“Pou Ki Wézon Nou Asou Latè-a?” (yon atik asou jw.org)

Gadé vidiyo sala konsèné yon nonm ki té kwè i té ni tout bagay, mé i wéyalizé yon bagay té ka mantjé an lavi’y.

Apwézan Mwen Ni Lakontantman An Lavi Mwen (3:55)

2. Ki moun ki kay kondwi épi Jézi?

Jézi pa ka kondwi pa kò’y. Bib-la di nou an Wévélasyon 5:9, 10: “[Moun ki] sòti an tout lafanmi, . . . moun ki ka palé tout diféwan langaj. [Moun ki] sòti an tout péyi épi an tout nasyon . . . kay kondwi . . . latè sala.” Konmen moun ki kay kondwi épi Jézi? Dépi Jézi té asou latè-a pou jis apwézan, plizyè milyon di moun ja vini disip li. Mé, sé annèk yon san kawant kat mil (144,000) an sé moun sala, ki kay alé an syèl pou kondwi épi Jézi. (Li Wévélasyon 14:1-4.) Tout lòt disip Jézi kay viv asou latè-a anba Wéyòm Bondyé.—Sam 37:29.

Wéyòm Bondyé ja ka kondwi, èk touswit, i kay fè gwo chanjman asou latè-a. Annou gadé adan sé bagay-la nou sa èspéwé anba Wéyòm Bondyé.

1. Ki mannyè Wéyòm Bondyé kay mennen lapé èk jistis asou latè-a?

Adan an ladjè Bib-la ka kwiyé Anmagèdonn, Jézi, Wa Wéyòm Bondyé, kay détwi tout lé méchan èk tout gouvèdman ki asou latè-a. (Wévélasyon 16:14, 16) A lè sala, pwonmèt-la an Sam 37:10 kay fèt vwé: “Sé méchan-an kay dispawèt touswit.” Jézi kay sèvi Wéyòm-lan pou fè asiwé la kay ni lapé èk jistis toupatou asou latè-a.—Li Izaya 11:4.

2. Ki mannyè lavi kay yé lè Wéyòm Bondyé ka kondwi latè-a?

Bib-la di nou, “sé moun-an ki dwèt-la kay éwityé tè-a Bondyé té pwonmèt yo-a, èk yo kay viv adanʼy pou tout tan.” (Sam 37:29) Sa kay fèt lè Wéyòm Bondyé ka kondwi latè-a. Imajiné mannyè lavi kay yé, lè tout moun ka fè sa ki bon, lè tout moun enmen Jéhova èk enmen yonn a lòt! Osi, pyèsonn pa kay vini malad èk tout moun kay viv pou tout tan.

3. Kisa Wéyòm Bondyé kay fè apwé i détwi lé méchan?

Apwé Jézi détwi lé méchan, i kay kondwi kon Wa pou yon mil (1,000) lanné. Diwan mil (1,000) lanné sala, Jézi èvèk sé moun-lan ki kay kondwi épi’y-la, kay édé lézòm asou latè-a pou vini pawfé. Konsa pyèsonn pa kay ni péché ankò. Apwé mil lanné-a, Jéhova kay détwi Satan, sé vyé lèspwi-a, épi népòt moun ki pa vlé aksèpté kondwit li. (Wévélasyon 20:7-10) Osi, latè-a kay an bèl pawadi èvèk tout moun kay ni tjè kontan, paski yo ka obéyi lwa Jéhova. Apwé sa, Jézi kay bay papa’y Wéyòm-lan viwé. Alafen, “tout moun [kay] onnowé [non Jéhova]” plis pasé pyès tan avan. (Mafyou 6:9, 10) Sa kay bay pli pwèv ki, Jéhova sé yon bon kondwitè ki enmen pèp li. Èk pa obliyé, tout sé bon bagay-la Wéyòm Bondyé kay akonpli kay diwé pou tout tan.

ANNOU APWANN PLI

4. Wéyòm Bondyé kay détwi tout gouvèdman lézòm

Kon lévanjil-la an Ékléziyastis 8:9 di, ‘moun ka donminé lòt moun pou fè yo soufè’. Mé, Jéhova kay sèvi Wéyòm li pou mennen an bout pou enjistis.

Annou li Dannyèl 2:44 èvèk 2 Tèsalonnika 1:6-8, èk apwé nou kay kozé asou sé kwèsyon sala:

• Kisa Jéhova èk Jézi kay fè épi tout gouvèdman lézòm èk sé moun-lan ki ka sipòté yo?

• Ki mannyè sa ou ja apwann konsèné Jéhova èk Jézi ka ba’w asiwans-lan ki, sa yo kay fè kay dwèt èk jis?

5. Jézi sé pli mèyè Wa-a

Kon Wa an Wéyòm Bondyé, Jézi kay édé moun asou latè an plizyè diféwan mannyè. Annou gadé VIDIYO-A. An vidiyo sala nou kay wè mannyè Jézi ja moutwé i vlé édé moun èk mannyè Bondyé ja ba’y pouvwa-a pou fè sa.

VIDIYO: Jézi Moutwé Sa Wéyòm-lan Kay Fè (1:13)

Sé bagay-la Jézi té fè lè’y té asou latè-a, ka bay an ti lidé asou sa Wéyòm-lan kay fè an tan ki ka vini. Kilès an sé pwonmèt sala ou vwéman vlé wè fèt? Annou li sé lévanjil-la pou apwann pli konsèné sé pwonmèt sala.

6. Wéyòm Bondyé kay mennen bèl kondisyon an tan ki ka vini

VIDIYO: Gadé Mannyè Lavi Kay Yé An Tan Pou Vini (4:38)

Annou li Sam 145:16, èk apwé nou kay kozé asou kwèsyon sala:

• Ki mannyè ou ka santi pou konnèt Jéhova kay ‘satisfè dézi tout sa ki vivan’?

CHONJÉ SÉ PWEN SALA

Wéyòm Bondyé kay akonpli divwa Bondyé, i kay chanjé latè-a èk fè’y vini an bèl pawadi. Latè-a kay plen épi bon moun èk yo kay adowé Bondyé pou tout tan.

Annou Wivizé Sa Nou Ja Apwann

• Ki mannyè Wéyòm Bondyé kay onnowé non Jéhova?

• Pouki nou sa kwè, Wéyòm Bondyé kay fè tout sé pwonmèt-la ki an Bib-la vini vwé?

• An tout sé bèl bagay-la Wéyòm Bondyé kay fè-a, kilès ou ka èspéwé pli?

LÒT ENFÒMASYON OU SA GADÉ

Apwann kisa Anmagèdonn vlé di.

“Kisa Ki Ladjè Anmagèdonn?” (yon atik asou jw.org)

Ègzanminé sa ki kay fèt diwan tan-an Jézi kwiyé gwan twibilasyon-an ében “gwo soufwans-lan”.—Mafyou 24:21.

“Kisa Ki Gwan Twibilasyon-an?” (yon atik asou jw.org)

Gadé mannyè fanmi sa imajiné sa Wéyòm Bondyé kay akonpli an tan ki ka vini.

Imajiné Kò’w An Pawadi (1:50)

Apwann mannyè yon nonm ki té kont gouvèdman té twapé wépons pou sé kwèsyon’y-la an atik-la, “Mwen Té Ni An Chay Kwèsyon Ki Té Ka Twakasé Lidé Mwen”.

“Bib-la Ka Chanjé Lavi Moun” (Gad-la, li 1 Janvyé, 2012)