Pou Ki Wézon Nou asou Latè-a?

Mi Sa Bib-la Ka di

An chay moun vlé konnèt wépons-lan pou kwèstyon sala, èk yo pa konnèt ki koté pou jwenn wépons-lan. Mé, nou sa wimèsyé Bondyé paski an Bib-la, i ban nou wépons-lan pou kwèstyon sala. Bib-la ka moutwé, wézon-an nou asou latè-a, sé pou bati on wilasyon épi Bondyé. Annou konsidiwé déotwa lévanjil ki ka moutwé sa.

• Sé Bondyé ki fè nou. Bib-la di: “Sé [Bondyé] ki fè nou, èk nou sé sa li.”​—Sam 100:3; Wévélasyon 4:11.

• Bondyé ni on wézon pou tout sa i fè. Konsa i ni on wézon pouki i fè nou tou.​—Izaya 45:18.

• Bondyé fè nou adan an mannyè pou nou konnèt nou “bizwen” li, Bondyé. Sa vlé di, i fè nou épi dézi-a pou konnèt li épi pou adowé’y, èk sé sa ki ka bay lavi nou sans. (Mafyou 5:3) Èvèk Bondyé vlé nou satisfè dézi sala.​—Sam 145:16.

• Nou ka moutwé nou konnèt nou bizwen Bondyé, lè nou fè éfò pou vini jan épi’y. Èk, magwé an chay moun ka kwè i enposib pou moun fè jan épi Bondyé, Bib-la ka ban nou bèl ankouwajman sala: “Vini pwé Bondyé, èk i menm kay vini pwéʼw.”​—Jémz 4:8; 2:23.

• Si nou vlé vini jan épi Bondyé, nou ni pou viv lavi nou an mannyè-a Bondyé vlé nou viv. Bib-la ka moutwé sa an Ékléziyastis 12:13, koté i di: ‘Ni gwan kwentif pou Bondyé, èk obéyi koumandman’y, paski sé pou sa sèlman Bondyé té fè lézòm.’​—Good News Translation.

• An tan pou vini, Bondyé kay tiwé tout soufwans. Èk i kay ba jan’y, sa vlé di tout moun ki ka adowé’y, lavi étonnèl. Sé a lè sala nou kay ni lavi-a Bondyé té vlé ban nou, dépi an koumansman-an.​—Sam 37:10, 11.