Gad-la LAYBRI ASOU INTANNÈT-LA
Gad-la
LAYBRI ASOU INTANNÈT-LA
Kwéyòl (Patwa)
  • LABIB
  • PIBLIKASYON
  • MITIN
  • Kisa Ki Kay Édé’w Pou Kontiné Étidyé Bib-la?
    Ou Sa Ni On Bon Lavi Pou Tout Tan!—Annou Wè Sa Bib-la Ka Di
    • Lesson 12. A mother with two children studies the Bible with the help of one of Jehovah’s Witnesses.

      LISON 12

      Kisa Ki Kay Édé’w Pou Kontiné Étidyé Bib-la?

      I byen enpòtan pou nou étidyé Bib-la. Kanmenm, i pa toujou ézé pou fè sa. Pitèt ou ka katjilé: ‘Ès mwen kay sa kontiné étidyé Bib-la?’ Mé, pouki ou bizwen fè tout sa ou pé pou kontiné étidyé? Èk kisa ki kay édé’w pou kontiné magwé i pa ézé?

      1. Pouki i enpòtan pou étidyé Bib-la?

      An Hibrou 4:12, lévanjil-la di: “Pawòl [Bondyé] ni an pil pouvwa èk i vivan”. Bib-la enpòtan paski i ka moutwé’w mannyè Jéhova enmen’w, épi i ka ba’w an bèl èspwa. Osi, Bib-la ka édé’w pou ni lasajès. Mé sa ki pli enpòtan sé sa, Bib-la ka édé’w pou vini jan épi Jéhova. Alò, kon’w étidyé Bib-la, èk ou fè sé bagay-la ou apwann an Bib-la, ou kay ni an pli mèyè lavi.

      2. Pouki i enpòtan pou apwésyé lavéwité-a ki an Bib-la?

      Lavéwité-a ki an Bib-la enpòtan. I menm kon bijou ki byen valowab. Sé pou wézon sala Bib-la ka ankouwajé nou pou ‘achté lavéwité èk pa janmen vann li’. (Pwovèb 23:23) Lè nou apwésyé lavéwité-a ki an Bib-la, nou kay fè fòs kò nou pou nou kontiné étidyé Bib-la, magwé nou ka èspéyansé difikilté.—Li Pwovèb 2:4, 5.

      3. Ki mannyè Jéhova sa édé’w pou kontiné étidyé Bib-la?

      Jéhova sé Dyé Toupisan-an, sé li ki fè nou. I sé jan’w épi i vlé’w apwann konsèné’y. Konsa, Jéhova “sa baʼw dézi-a pou fè bagay ki ka plèʼy épi [i] sa baʼw kouway-la pouʼw sa fè sé bagay sala”. (Li Filipay 2:13.) Alò, si délè ou ka santi ou bizwen èd pou kontiné étidyé Bib-la, épi pou’w mété an pwatik sa ou ka apwann, Jéhova sa édé’w. Èk osi, i sa ba’w pli fòs pou’w ganyen a bout òpozisyon, ében népòt difikilté ou ni. Toujou palé bay Jéhova an lapwiyè, épi mandé’y pou édé’w pou kontiné étidyé Bib-la.—1 Tèsalonnika 5:17.

      ANNOU APWANN PLI

      Apwézan, annou apwann mannyè ou sa kontiné étidyé Bib-la magwé ou anbawasé, èben magwé moun ka òpozé’w. Èk osi, ou kay apwann mannyè Jéhova kay édé’w pou kontiné étidyé Bib-la.

      4. Moutwé ou ka apwésyé létid Bib ou

      Délè nou ka si tèlman pwésé, nou ka santi nou pa ni asé tan pou étidyé Bib-la. Kisa nou sa fè? Annou li Èfésòs 5:16, èk apwé nou kay kozé asou sé kwèsyon sala:

      • Ki diféwan “bon” bagay, nou sipozé pwan tout chans nou twapé pou fè?

      • Ki mannyè ou sa moutwé ou ka apwésyé létid Bib ou?

      A. Collage: Scenes that depict filling a bucket with rocks and sand. 1. A pile of sand and a pile of large rocks. 2. A bucket nearly filled with the sand. 3. The large rocks sit on the sand and overflow onto the ground. B. Collage: 1. The same pile of sand and the same pile of large rocks. 2. The same bucket nearly filled with large rocks. 3. Sand fits around the large rocks and fills the bucket to the rim. A small pile of sand sits outside the bucket.
      1. Si ou plen an bokit épi sab, épi apwé ou éséyé pou mété wòch adan’y, ou pa kay ni asé lè pou sé wòch-la

      2. Mé si ou mété sé wòch-la pwèmyé, ou kay ni lè pou pwèskè tout sab-la. An menm mannyè-a, si ou pwan “tout chans [ou twapé pou] fè sa ki bon”, ou kay ni asé tan pou fè lòt bagay

      Lè nou ka pwan tan pou étidyé Bib-la, sa ka moutwé nou wéyalizé nou bizwen konnèt èk adowé Bondyé. Annou li Mafyou 5:3, èk apwé nou kay kozé asou kwèsyon sala:

      • Ki bennéfis nou ka twapé lè nou ka apwésyé létid Bib nou?

      5. Kontiné étidyé Bib-la magwé ou ka èspéyansé òpozisyon

      Délè, adan jan’w épi fanmi’w pé dékouwajé’w pou’w pa kontiné étidyé Bib-la. Gadé sa jan Francesco épi fanmi’y té fè lè i koumansé étidyé Bib-la. Annou gadé VIDIYO-A, Jéhova Benni Yo Paski Yo Andiwé èk apwé nou kay kozé asou sé kwèsyon sala:

      VIDIYO: Jéhova Benni Yo Paski Yo Andiwé (5:22)

      A scene from the video ‘Rewarded for Persevering.’ Francesco walks away from his close friends after telling them that he would no longer associate with them.
      • An vidiyo-a, kisa jan Francesco épi fanmi’y té fè, lè’y di yo sa i ka apwann?

      • Ki mannyè Jéhova té benni Francesco paski i pa té doubout étidyé Bib-la?

      Annou li 2 Timòfi 2:24, 25, èk apwé nou kay kozé asou sé kwèsyon sala:

      • Ki mannyè jan’w épi fanmi’w ka santi kon’w ka étidyé Bib-la?

      • Silon 2 Timòfi 2:24, 25, kisa ou sipozé fè si on moun pa vlé’w étidyé Bib-la? Pouki?

      6. Dépan asou Jéhova pou édé’w

      Pli nou vansé pwé Jéhova, sé pli nou kay vlé plè’y. Mé magwé nou ni dézi-a pou plè Jéhova, délè i ka difisil pou fè sé chanjman-an nou bizwen fè an lavi nou. Si sé konsa ou ka santi, pa pèd èspwa. Paski Jéhova kay édé’w. Annou gadé VIDIYO-A, Jéhova Ka Édé Nou Pou Fè Chanjman An Lavi Nou èk apwé nou kay kozé asou sé kwèsyon sala:

      VIDIYO: Jéhova Ka Édé Nou Pou Fè Chanjman An Lavi Nou (3:56)

      • An vidiyo-a, ki chanjman Jim té fè an lavi’y pou plè Jéhova?

      • Kisa ou apwésyé an ègzanp Jim?

      Annou li Hibrou 11:6, èk apwé nou kay kozé asou sé kwèsyon sala:

      • Kisa Jéhova kay fè ba “tout moun ki ka chaché pou li”?

      • Ki mannyè Jéhova ka santi, lè’y wè tout sé éfò-a ou ka fè pou kontiné étidyé Bib-la?

      ADAN MOUN PÉ MANDÉ: “Pouki ou ka étidyé Bib-la?”

      • Ki mannyè ou té kay wéponn kwèsyon sala?

      CHONJÉ SÉ PWEN SALA

      I pa toujou ézé pou étidyé Bib-la, mé si ou kontiné, ou kay enjwi lavi pou tout tan. Konsa, dépan asou Jéhova, épi i kay benni’w.

      Annou Wivizé Sa Nou Ja Apwann

      • Pouki ou ka apwésyé lavéwité-a ki an Bib-la?

      • Ki mannyè ou sa moutwé ou ka pwan “tout chans [ou twapé pou] fè sa ki bon”?

      • Pouki ou sipozé mandé Jéhova pou édé’w kontiné étidyé Bib-la?

      Mi Yonndé Bagay Ou Sa Fè

      LÒT ENFÒMASYON OU SA GADÉ

      Ègzanminé kat (4) diféwan bagay moun ja fè pou édé yo sèvi tan yo byen.

      “Mannyè Pou Sèvi Tan’w Byen” (Awake!, Févwiyé 2014)

      Gadé mannyè Jéhova té édé yon madanm ki té ka èspéyansé òpozisyon hòd mawi’y.

      Jéhova Ka Édé Nou Pou Pòté Chay Nou (5:05)

      Gadé bennéfis yon nonm twapé paski madanm li pa té doubout étidyé Bib-la.

      Mwen Té Vlé Kondanné Témwen Jéhova (6:30)

      Adan moun ka di Témwen Jéhova ka détwi fanmi. Mé ès sa vwé?

      “Ès Témwen Jéhova Ka Détwi Ében Fòtifyé Fanmi?” (yon atik asou jw.org)

  • Ki Mannyè Nou Sa Fè Bon Disizyon?
    Ou Sa Ni On Bon Lavi Pou Tout Tan!—Annou Wè Sa Bib-la Ka Di
    • Lesson 35. A husband researches cars advertised on a website as his wife and children look on.

      LISON 35

      Ki Mannyè Nou Sa Fè Bon Disizyon?

      Nou tout ni pou fè disizyon. Plizyè disizyon nou ni pou fè sa vwéman afèkté nou, èk osi wilasyon nou épi Jéhova. Pou ègzanp, nou pé ni pou désidé ki koté nou kay wèsté, ki mannyè nou kay sipòté kò nou, ében si nou kay mayé opa. Lè nou fè bon disizyon, nou kay ni lakontantman èk nou kay plè Jéhova.

      1. Ki mannyè Bib-la sa édéʼw fè bon disizyon?

      Avan ou fè an disizyon, i enpòtan pou mandé Jéhova pou édéʼw. Osi, i enpòtan pou li Bib-la pou wè kisa Jéhova ka di konsèné disizyon-an ou vlé fè-a. (Li Pwovèb 2:3-6.) Délè, Jéhova ka bay an koumand ki klè. Konsa, pli mèyè bagay-la ou sa fè sé pou obéyi Jéhova.

      Menm si la pa ni an koumand ki ka diʼw sa pou fè, Jéhova kay toujou djidéʼw ‘an mannyè-a ou sipozé maché-a.ʼ (Izaya 48:17) Ki mannyè Jéhova ka fè sa? I kay sèvi pwensip ki an Bib-la pou édéʼw. Pwensip Bib sé lavéwité ki an Bib-la ki ka édé nou wè mannyè Bondyé ka katjilé, èk mannyè i ka santi konsèné sèten bagay. Souvan, lè nou li an listwa an Bib-la, nou ka vini konnèt mannyè Jéhova ka santi konsèné an bagay. Lè nou konpwann mannyè Jéhova ka santi, nou kay fè disizyon ki kay plèʼy.

      2. Ki bagay ou sipozé katjilé asou avan ou fè an disizyon?

      Bib-la di: ‘Moun-lan ki ni lèspwi ka byen gadé koté i ka mété pyéʼy.ʼ (Pwovèb 14:15) Sa vlé di, avan nou fè yon disizyon, nou ni pou pwan tan pou katjilé asou sa nou vlé fè. Konsa mandé kòʼw sé kwèsyon sala: ‘Ki pwensip Bib mwen kay sèvi? Ès disizyon mwen kay anbété konsyans mwen? Ki mannyè disizyon mwen kay afèkté lézòt moun? Épi pli enpòtan toujou, ès disizyon mwen kay fè Jéhova kontan?ʼ—Ditonronnonmi 32:29.

      Jéhova ni dwa-a pou di nou kisa ki bon èk kisa ki mové. Lè nou vini konnèt lwa Bondyé èk pwensip li èk nou fè éfò pou swiv yo, nou kay ni an bon konsyans. Kisa konsyans nou ka fè? Konsyans nou ka di nou si bagay-la nou kay fè, ében si bagay-la nou té fè, bon ében pa bon. (Ronm 2:14, 15) Alò, lè nou étwennen konsyans nou byen, i kay édé nou fè bon disizyon.

      ANNOU APWANN PLI

      Apwézan, annou apwann mannyè pwensip Bib èk konsyans nou sa édé nou fè bon disizyon.

      3. Kité Pawòl Bondyé djidéʼw

      Ki mannyè pwensip Bib sa djidé nou lè nou ka fè disizyon? Annou gadé VIDIYO-A, Kité Pwensip Ki An Bib-la Djidéʼw èk apwé nou kay kozé asou sé kwèsyon sala:

      VIDIYO: Kité Pwensip Ki An Bib-la Djidéʼw (5:54)

      • Ki bèl kado Bondyé ban nou?

      • Pouki Jéhova ban nou abilité-a pou fè disizyon pou kò nou?

      • Kisa Jéhova ja ban nou pou édé nou fè bon disizyon?

      Pou wè yonn an sé pwensip-la ki an Bib-la, annou li Èfésòs 5:15, 16. Èk apwé nou kay diskité mannyè nou sa sèvi “tout chans [nou] jwenn” pou . . .

      • li Bib-la touléjou.

      • vini an pli mèyè mawi, madanm, pawan, gason, ében fi.

      • atandé sé mitin-lan.

      4. Étwennen konsyans ou pou édéʼw fè bon disizyon

      Délè i ézé pou fè an bon disizyon lè Bib-la ni an konmand ki ka di nou sa pou fè. Mé kisa nou kay fè si la pa ni an konmand? Annou gadé VIDIYO-A, “Tjenn Konsyans Ou Klè” èk apwé nou kay kozé asou kwèsyon sala:

      VIDIYO: “Tjenn Konsyans Ou Klè” (5:13)

      • An vidiyo-a, kisa sè-a té fè pou étwennen konsyans li pouʼy fè an disizyon ki té kay plè Jéhova?

      Pouki nou pa sipozé mandé lòt moun pou fè disizyon ban nou? Annou li Hibrou 5:14, èk apwé nou kay kozé asou sé kwèsyon sala:

      • I ézé pou mandé lézòt moun pou fè disizyon ban nou, mé, kisa nou sipozé apwann pou nou sa fè bon disizyon?

      • Kisa ki sa édé nou pou étwennen konsyans nou pou fè bon disizyon?

      A person driving a car on a road. A GPS mounted on the dashboard helps the driver stay on the correct route.

      Menm kon an map ka djidé nou, konsyans nou sa djidé nou pou fè bon disizyon

      5. Wèspèkté konsyans lézòt moun

      Diféwan moun kay fè diféwan disizyon. Ki mannyè nou sa moutwé wèspé pou konsyans lézòt moun? Annou gadé dé (2) ègzanp:

      Pwèmyé ègzanp-lan: An sésé ki enmen mété ‘makeupʼ koumansé atandé mitin adan an kongwigasyon nèf. Mé sé sésé-a an kongwigasyon nèf sala, ka santi i pa bon pou mété ‘makeupʼ.

      Annou li Ronm 15:1 èk 1 Kòrint 10:23, 24, èk apwé nou kay kozé asou sé kwèsyon sala:

      • Silon sé lévanjil sala, kisa ou kwè sésé-a pé fè? Siʼw épi an moun èk konsyans moun-lan ka anpéchéʼy fè an bagay, mé konsyans ou ka pèwmitéʼw pou fèʼy, kisa ou kay fè?

      Dézyenm ègzanp-lan: An fwè désidé i pa kay bwè alkòhòl, mé i sav Bib-la pa ka kondanné alkòhòl. I twapé an envitasyon pou atandé an ti fèt. Mé lèʼy wivé an fèt-la, i ka wè adan fwè èk sè ka bwè alkòhòl.

      Annou li Ékléziyastis 7:16 èk Ronm 14:1, 10, èk apwé nou kay kozé asou sé kwèsyon sala:

      • Silon sé lévanjil sala, kisa ou kwè fwè sala pé désidé pou fè? Kisa ou kay fè si ou wè an moun ka fè an bagay konsyans ou pa ka pèwmitéʼw pou fè?

      Kisa Nou Ni Pou Fè Pou Nou Sa Fè Bon Disizyon?

      A woman praying.

      1. Mandé Jéhova pou édéʼw désidé kisa pou fè.—Jémz 1:5.

      The same woman doing research using the Bible, Bible-based publications, and a computer.

      2. Fè wichach an Bib-la èk piblikasyon ki bazé asou Bib-la pou twapé pwensip ki sa édéʼw an sitiwasyonʼw. Osi, ou sa mandé Kwityen ki ni èspéyans pou èd.

      The same woman thinking.

      3. Konsidiwé mannyè disizyonʼw kay afèkté konsyans ou èk osi, konsyans lézòt moun.

      ADAN MOUN KA DI: “Pyèsonn pa sa diʼw sa pou fè. Kité moun bat bouch yo!”

      • Pouki nou sipozé mélé épi mannyè disizyon nou kay afèkté Bondyé èk lézòt moun?

      CHONJÉ SÉ PWEN SALA

      Nou ka fè bon disizyon lè nou apwann mannyè Jéhova ka santi konsèné an bagay. Osi, nou ni pou konsidiwé si aksyon nou kay édé lòt moun ében ofwansé yo ében fè yo ditò.

      Annou Wivizé Sa Nou Ja Apwann

      • Ki mannyè ou sa fè disizyon ki sa plè Jéhova?

      • Ki mannyè ou sa étwennen konsyans ou?

      • Ki mannyè ou sa moutwé wèspé pou konsyans lòt moun?

      Mi Yonndé Bagay Ou Sa Fè

      LÒT ENFÒMASYON OU SA GADÉ

      Ki mannyè ou sa fè disizyon ki kay fòtifyé wilasyonʼw épi Jéhova?

      “Fè Disizyon Ki Ka Onnowé Bondyé” (Gad-la, li 15 Avwi, 2011)

      Apwann plis konsèné mannyè Jéhova ka djidé nou.

      Jéhova Ka Djidé Pèp Li (9:50)

      Apwann kisa ki té édé an nonm pou fè an disizyon ki té byen wèd.

      Jéhova Pwonmèt Nou Tout, Sa Ki Bon (5:46)

      Apwann pli konsèné mannyè nou sa plè Jéhova, lèʼy pa ban nou an konmand konsèné sa pou fè.

      “Ès Ou Toujou Bizwen Bib-la Pou Baʼw An Konmand?” (Gad-la, li 1 Désanm, 2003)

Saint Lucian Creole Publications (2012-2025)
Sòti
Antwé
  • Kwéyòl (Patwa)
  • Share
  • Pwéféwans
  • Copyright © 2025 Watch Tower Bible and Tract Society of Pennsylvania
  • Kondisyon-an pou sèvi wèbsayt sala
  • Wèg pou ènfòmasyon pwivé
  • Privacy Settings
  • JW.ORG
  • Antwé
Share