Fè Éfò Pou Touché Tjè Moun

Pwovèb 3:1

WÉZIMÉ: Édé moun ki ka kouté’w konpwann valè-a an sa yo ka apwann èk pou mété’y an pwatik.

MANNYÈ POU FÈ’Y:

• Édé moun ki ka kouté’w pou ègzanminé kò yo. Mandé bon kwèsyon pou édé moun ègzanminé santiman yo.

• Ankouwajé moun pou ni bon wézon lè yo fè bagay. Ankouwajé moun pou ègzanminé sé wézon-an pouki yo ka fè bon twavay. Édé yo pou dévlopé sé bon motif sala: lanmityé pou Jéhova, lanmityé pou pwochen yo, èk lanmityé pou sa Bib-la ka di. Édé moun pou wè lasajès-la ki an Pawòl Bondyé, mé pa kwititjé yo. Ou pa sipozé fè moun santi hont èben koupab. Bò lè-a ou fini pwézantasyon’w, moun sipozé santi ankouwajé èk motivé pou fè pli mèyè.

• Édé moun pou fiksé asou Jéhova. Moutwé moun mannyè lésisyon, konmand èk pwensip ki an Bib-la, ka wévélé kawaktè Bondyé èk lanmityé-a I ni pou nou. Édé moun dévlopé an dézi pou toujou konsidiwé santiman Jéhova èk dévlopé dézi-a pou plè’y.