Sèvi Bon Kwèsyon

Mafyou 16:13-16

WÉZIMÉ: Mandé kwèsyon pou fè moun katjilé, pou fè yo anvi kouté’w, pou wézonnen épi yo, èk pou pézé fò asou sé pwen-an ki enpòtan.

MANNYÈ POU FÈ’Y:

• Fè moun anvi kouté. Sèvi kwèsyon ki kay fè moun katjilé, èben ki kay fè yo anvi konnèt pli.

• Wézonnen asou an sijé. Sèvi plizyè kwèsyon pou édé moun swiv lòjik-la an sa ou ka di yo èk pou édé yo twapé pwen-an.

• Pézé fò asou pwen ki enpòtan. Pou entwodwi an pwen ki enpòtan, mandé moun kwèsyon ki kay fè yo anvi kouté. Ou sa sèvi kwèsyon pou wivizé an pwen ki enpòtan djòs apwé ou fini diskité’y. Èben ou sa sèvi kwèsyon pou wivizé pwen ki enpòtan an bout pwézantasyon’w.