LISON 4

Entwodwi Sé Vèwsé-a An Bib-la Byen

Mafyou 22:41-45

WÉZIMÉ: Avan ou li an vèwsé an Bib-la, pwépawé lidé sé moun-lan ki ka kouté’w.

Katjilé asou wézon-an ou ka li vèwsé-a. Entwodwi chak lévanjil adan an mannyè ki kay édé moun twapé pwen-an an vèwsé-a ou vlé pézé asou.

Gadé kontèks-la. Lè ou ka entwodwi an lévanjil, fè asiwé ki, moun-lan ou di ki ka palé an lévanjil sala, sé li menm ki ka vwéman palé. Èben moun-lan ou di ki ékwi liv-la an Bib-la, sé li menm ki té ékwi’y.
Moutwé moun sé Pawòl Bondyé ki pli enpòtan. Lè ou ka palé épi moun ki ka kwè an Bondyé, édé yo apwésyé Bib-la sé vwéman Pawòl Bondyé. An mannyè sala, ou kay moutwé yo ki, Bib-la sé pli mèyè sous lasajès.
Lévé lantéwé moun an lévanjil-la. Ou sa: (1) mandé an kwèsyon lévanjil-la kay wéponn; (2) mansyonnen an pwòblenm lévanjil-la kay édé wézoli; èben (3) mansyonnen an pwensip moun sa apwann an wakont-la.

Konsidiwé sa moun ja konnèt konsèné sijé-a èk lévanjil-la. Si moun ja konnèt sijé-a èben lévanjil-la byen, ou sa: (1) entwodwi enfòmasyon-an adan an mannyè pou lévé lantéwé yo; (2) édé yo konpwann enfòmasyon-an pli mèyè; èk (3) édé yo konpwann enfòmasyon-an adan an mannyè ki nèf.