LAVI NOU KON KWITYEN
Dépan Asou Jéhova Lè An Moun Ka Pèsikitéʼw
Moun ki ka pèsikité nou pé blésé nou, ében yo pé di èben fè bagay pou fè nou santi twis. Osi, yo pé jis opozé adowasyon nou pou Jéhova. Èk lè sa fèt, si nou vini pè sa pé jis afébli wilasyon nou épi Jéhova. Alò, ki mannyè ou sa pwotéjé kò’w lè an moun ka pèsikité’w?
Plizyè Témwen Jéhova ja éwisi lè moun té ka pèsikité yo, paski yo apiyé asou Jéhova. (Sam 18:17) Pou ègzanp, Wenn Èsta té apiyé asou Jéhova lè Hémann, an nonm méchan, té ka pèsikité pèp Jéhova. (Èsta 7:1-6) Èsta moutwé i té ka apiyé asou Jéhova lè’y wèsté san manjé, èk lè’y mandé Jéhova pou kouwaj-la pou palé bay wa-a konsèné plan Hémann. (Èsta 4:14-16) Konsa Jéhova té benni Wenn Èsta, èk i pwotéjé ni Èsta ni pèp li.
Sé jenn moun nou-an, si la ni an moun ki ka pèsikité’w, kisa ou sa fè? Ében, ou sa mandé Jéhova pou èd, èk palé épi an moun ki ni èspéyans, tèl kon pawan’w. Èk ou sa ni asiwans-lan ki, Jéhova kay wédé’w menm kon i té wédé Èsta. Mé, ki lòt bagay ou sa fè pou éwisi lè an moun ka pèsikité’w?
GADÉ VIDIYO-A LAVI MWEN KON AN JENN MOUN—KI MANNYÈ MWEN SA ÉWISI LÈ AN MOUN KA PÈSIKITÉ MWEN? ÈK APWÉ WÉPONN SÉ KÈSTYON SALA:
Kisa jenn moun sa apwann hòd ègzanp Charlie èk Ferin?
Kisa pawan sa apwann hòd sa Charlie èk Ferin di konsèné mannyè pawan sa édé ich yo lè an moun ka pèsikité yo?