LISON 19

Ès Témwen Jéhova Sé Moun Ki Ka Vwéman Swiv Jézi?

Printed Edition

Pouki Témwen Jéhova ka di yo ka vwéman swiv Jézi? Konsidiwé twa (3) wézon pouki nou ka di sa. (1) Tout sa nou ka kwè adan sòti an Bib-la, (2) non nou ‘Témwen Jéhova’ ka fè nou diféwan, èk (3) lanmityé-a nou ni pou yonn a lòt.

1. Asou kisa Témwen Jéhova ka bazé kwéyans yo?

Jézi té di: “Pawòl [Bondyé] sé lavéwité.” (Jan 17:17) Menm kon Jézi, tout sa Témwen Jéhova ka kwè adan bazé asou lavéwité-a ki an Pawòl Bondyé. Annou konsidiwé listwa Témwen Jéhova. An lanné mil ywit san swasant dis (1870), an gwoup étidyan Bib koumansé byen ègzanminé Bib-la. Lè yo vini konpwann lavéwité-a ki an Bib-la yo bazé tout kwéyans yo asou’y, menm si lòt wilizyon té ni diféwan kwéyans. Épi yo koumansé di moun sa yo té ka apwann an Bib-la.a

2. Pouki nou ka kwiyé kò nou Témwen Jéhova?

Jéhova ka kwiyé moun ki ka adowé’y témwen’y paski yo ka di moun lavéwité-a konsèné’y. (Hibrou 11:4–12:1) Pou ègzanp, an tan lontan, Bondyé té di pèp li: ‘Zòt sé témwen mwen.’ (Li Izaya 43:10.) Osi, Bib-la ka di konsèné Jézi “sé li ki ka palé lavéwité-a konsèné Bondyé”. (Wévélasyon 1:5) Konsa, an lanné mil nèf san twantenyen (1931), nou chwazi non-an Témwen Jéhova. I sé yon lonnè pou pòté non sala.

3. Ki mannyè Témwen Jéhova ka imité lanmityé Jézi?

Jézi té enmen sé disip li-a si tèlman i kwiyé yo, fanmi’y. (Li Mak 3:35.) An menm mannyè-a, Témwen Jéhova sé yon fanmi èk yo ni lilyon, magwé yo ka viv an diféwan péyi owon latè-a. Sé pou wézon sala nou ka kwiyé yonn a lòt fwè épi sè. (Filémonn 1, 2) Osi nou ka obéyi lévanjil-la ki di: “Sé pou zòt enmen tout sé fwè èk sè-a ki ka kwè an Jézi-a.” (1 Pita 2:17) Témwen Jéhova ka moutwé lanmityé sala adan an chay diféwan mannyè. Pou ègzanp, nou ka édé fwè èk sè nou oliwon latè-a.

ANNOU APWANN PLI

Apwézan, nou kay apwann pli konsèné listwa Témwen Jéhova, èvèk lòt pwèv ki ka moutwé nou vwéman ka swiv Jézi.

Collage: Jehovah’s Witnesses preaching. 1. A sister reads and discusses a scripture with a woman. 2. A brother shares Bible truths with a man at a public witnessing cart. — Moun ki ka vwéman swiv Jézi ka bazé kwéyans yo asou lavéwité-a ki an Bib-la, épi yo ka patajé sa yo apwann épi lézòt

4. Tout sa nou ka kwè adan bazé asou Bib-la

Jéhova té di, nou té kay konpwann lavéwité-a ki an Bib-la. Annou li Dannyèl 12:4, èk apwé nou kay kozé asou kwèsyon sala:

Kon pèp Bondyé kontiné ègzanminé Bib-la, kisa nou kay ni ‘alabondans’?

Konsidiwé mannyè Charles Russell, èk an gwoup étidyan Bib té ka étidyé Pawòl Bondyé. Annou gadé VIDIYO-A, èk apwé nou kay kozé asou kwèsyon sala:

VIDIYO: Yo Twouvé Lavéwité-a Ki An Bib-la (7:45)

An vidiyo-a, ki mannyè fwè Charles Russell èk sé lézòt fwè-a té ka étidyé Bib-la?

Ès ou té sav?

Délè nou ka fè chanjman an kwéyans nou. Pouki nou ka fè sé chanjman sala si Pawòl Bondyé pa ka chanjé? Ében lè sòlèy-la ka lévé, an mizi an mizi jou-a ka vini pli klè. An menm mannyè-a, an mizi an mizi Bondyé ka édé nou pou konpwann Pawòl li pli byen. (Li Pwovèb 4:18.) Konsa, délè nou ka fè chanjman an kwéyans nou, paski an mizi an mizi nou ka konpwann Bib-la pli mèyè.

5. Nou ka fè sa non nou vlé di

Pouki nou chwazi non-an Témwen Jéhova? Annou gadé VIDIYO-A, èk apwé nou kay kozé asou kwèsyon sala:

VIDIYO: On Non Ki Ka Idantifyé Nou (2:40)

Pouki i té nésésè pou nou chwazi non-an Témwen Jéhova?

Pouki Jéhova chwazi moun pou vini témwen’y? Jéhova chwazi moun pou vini témwen’y pou yo sa di moun lavéwité-a konsèné’y. Pouki sa té nésésè? Paski moun ja di an chay mansonj asou’y. Annou konsidiwé dé (2) an sé mansonj sala.

Adan wilizyon ka di pèp yo ki, Bondyé vlé yo sèvi imaj pou adowé’y. Ès sa vwé? Annou li Livitikòs 26:1, èk apwé nou kay kozé asou sé kwèsyon sala:

Kisa ki lavéwité-a? Ki mannyè Jéhova ka santi lè nou sèvi imaj pou adowé’y?

Adan mèt wilizyon ka enstwi Jézi sé Bondyé. Ès sa vwé? Annou li Jan 20:17, èk apwé nou kay kozé asou sé kwèsyon sala:

Kisa ki lavéwité-a? Ès Bondyé èk Jézi sé menm moun-lan?
Ki mannyè i ka fè’w santi pou konnèt Jéhova voyé témwen’y pou pwéché lavéwité-a konsèné’y épi Gason’y?

6. Nou enmen yonn a lòt

Bib-la di, moun ki ka vwéman swiv Jézi sipozé twavay ansanm an lilyon, menm kon diféwan pa an kò-a ka twavay ansanm an lilyon. Annou li 1 Kòrint 12:25, 26, èk apwé nou kay kozé asou sé kwèsyon sala:

Kisa moun ki ka swiv Jézi sipozé fè lè fwè èk sè yo ka soufè?
An ki mannyè ou ja wè Témwen Jéhova moutwé lanmityé?

Lè Témwen Jéhova ka soufè an diféwan péyi an latè-a, lòt Témwen Jéhova oliwon latè-a ka éséyé pou édé yo. Pou wè yon ègzanp, annou gadé VIDIYO-A, Témwen Jéhova An Haiti Andiwé Apwé Siklonn Mafyou. Èk apwé nou kay kozé asou kwèsyon sala:

VIDIYO: Témwen Jéhova An Haiti Andiwé Apwé Siklonn Mafyou (5:29)

Lè Témwen Jéhova ka édé sé fwè èk sè-a apwé an dézas, ki mannyè sa ka moutwé lanmityé?

Two of Jehovah’s Witnesses helping a mother and her child who have just experienced a disaster. They wrap them in a warm blanket and give them clean water to drink. — Moun ki ka vwéman swiv Jézi ka édé moun ki bizwen èd

ADAN MOUN KA DI: “Témwen Jéhova sé an wilizyon ki nèf.”

Dépi ki tan Jéhova koumansé kwiyé moun ki ka adowé’y témwen’y?

CHONJÉ SÉ PWEN SALA

Témwen Jéhova sé moun ki ka vwéman swiv Jézi. Magwé nou ka viv an diféwan péyi owon latè-a nou sé yon fanmi. Osi, tout sa nou ka kwè adan bazé asou Bib-la, èk nou ka fè moun konnèt lavéwité-a konsèné Jéhova.