Hiɔwe matsɛ maa ngɔ jɔɔmihi kɛ ba zugba a nɔ

41 Yehowa to Yesu Matsɛ ngɛ hiɔwe.—Yesaya 9:6; Daniel 7:13, 14; Bɔfo 2:32-36

42 E maa ye zugba a tsuo nɔ matsɛ.—Daniel 7:14; Mateo 28:18

43 Anɛ o kai nɔ́ nɛ maa ba yayami peeli a nɔ lo?—La 37:9, 10; Luka 13:5

44 Anɛ o kai kekle bɔfo ɔ nɛ e pee yayami ɔ biɛ lo? Yesu ma kpata e kɛ bɔfo kpa amɛ nɛ a pee yayami ɔ a hɛ mi. A ma kpata a wɔ ɔmɛ kɛ a we amaga amɛ tsuo a hɛ mi.—Hebribi 2:14; Kpojemi 20:2, 10

45 Yesu maa pee ní kpakpahi fuu kɛ ma ha nihi nɛ a peeɔ tue bumi ɔ.—Hebribi 5:9

46 Nɔ ko nɔ ko be hiɔ nue hu.—Yesaya 33:24; Kpojemi 22:1, 2

Anɛ o kai bɔ nɛ Yesu tsa hiɔtsɛmɛ ɔmɛ lo?

47 Nɔ fɛɛ nɔ nine maa su ní kpakpahi a nɔ.—Yesaya 65:17, 21-23

48 Mawu kaiɔ nihi nɛ a gbo po. E maa gu Yesu nɔ nɛ e kɛ mɛ ma ba wami mi ekohu. A tsɛɔ nɔ́ nɛ ɔ ke gbogboehi a si tlemi.—Yohane 5:28, 29; 11:25

49 Ke a kpata yayami peeli tsuo a hɛ mi ɔ, nɔ ko nɔ ko be gboe hu. Lohwehi awi yeli po hɛ mi maa jɔ. Nɔ fɛɛ nɔ ma na bua jɔmi kɛ ya neneene.—Kpojemi 21:4; Yesaya 65:25; La 37:11, 29