Երգերի երգը

3 «Գիշերներն իմ անկողնում

Իմ սիրած տղայի մասին էի մտածում:+

 2 Ես վեր կկենամ ու քաղաքով մեկ կշրջեմ,

Փողոցներում ու հրապարակներում

Սիրեցյալիս կփնտրեմ:

 3 Քաղաքում շրջող պահապանները տեսան ինձ,+

Եվ ես հարցրի. «Իմ սիրած տղային տեսե՞լ եք»:

 4 Նոր էի հեռացել նրանցից,

Երբ գտա իմ սիրեցյալին:

Ես բռնեցի նրան ու բաց չթողեցի,

Մինչև որ չբերեցի իմ մոր տուն՝+

Ինձ լույս աշխարհ բերողի ներքին սենյակը:

 5 Ո՜վ Երուսաղեմի դուստրեր,

Երդվեք վիթերով ու դաշտի եղնիկներով,

Որ չեք փորձի իմ մեջ սեր արթնացնել կամ բորբոքել,

Մինչև որ այն ինքը չարթնանա»:+

 6 «Այդ ի՞նչ է գալիս անապատից, որ ծխի սյուների է նման,

Եվ բուրում է ինչպես զմուռսը,

Կնդրուկն* ու այն տարբեր համեմունքները,

Որ վաճառում են առևտրականները»:+

Իսրայելի հզորներից վաթսուն ռազմիկ կա դրա շուրջը,+

 8 Բոլորը սրով են զինված,

Բոլորն էլ մարզված են պատերազմելու,

Ամեն մեկի սուրն իր գոտկատեղին է,

Որպեսզի գիշերը թագավորին պաշտպանեն վտանգներից»:

 9 «Սա Սողոմոն թագավորի գահավորակն է,

Որը նա պատրաստել է Լիբանանի ծառերից:+

10 Դրա սյուները արծաթից են,

Հենարանները՝ ոսկուց,

Իսկ նստատեղը՝ մանուշակագույն* ներկված բրդից:

11 «Ո՜վ Սիոնի դուստրեր,

Դուրս եկեք ու տեսեք Սողոմոն թագավորին

Այն հարսանեկան պսակով, որը մայրը+ հյուսել է նրա համար

Նրա ամուսնության օրը,

Նրա սրտի ուրախության օրը»: