Երգերի երգը

7 «Որքա՜ն գեղեցիկ են ոտքերդ սանդալների մեջ,

Ո՜վ ազնվազարմ դուստր:

Ազդրերիդ կորությունը նման է զարդերի՝

Վարպետի ձեռքի գործի:

Փորդ ցորենի կույտ է՝

Շուշաններով շրջապատված:

 3 Կրծքերդ երկու մատղաշ եղնիկի են նման՝

Վիթի երկվորյակների:+

 4 Պարանոցդ+ փղոսկրյա աշտարակի է նման,+

Եվ աչքերդ՝+ Եսեբոնի+ ավազաններին,

Որոնք Բաթ-Րաբբիմի դարպասի մոտ են:

Քիթդ ասես Լիբանանի աշտարակը լինի,

Որ նայում է դեպի Դամասկոս:

 5 Գլուխդ Կարմեղոսի+ նման է,

Վարսերդ+ ասես մանուշակագույն ներկված բուրդ լինեն:+

 6 Սե՛ր իմ, որքա՜ն գեղեցիկ ես, որքա՜ն հաճելի՝

Մեծագույն հաճույքներից առավել:

 7 Հասակդ արմավենու է նման,

Կրծքերդ՝ արմավի ողկույզների:+

 8 Ես ասացի. «Արմավենին կմագլցեմ,

Որ դրա ողկույզները բռնեմ»:

Թող կրծքերդ խաղողենու ողկույզի պես դառնան,

Շունչդ՝ խնձորի բույրի պես,

 9 Եվ բերանդ՝ ամենալավ գինու պես»:

«Թող այն նրբորեն հոսի սիրեցյալիս քիմքով՝

Քնքշորեն ծորալով նրա շուրթերով, և քուն իջեցնի աչքերին»:

10 «Ես իմ սիրեցյալինն եմ,+

Եվ նա միայն ինձ է փափագում:

11 Արի, սիրելի՜ս,

Արի դաշտեր գնանք,

Արի հանգիստ առնենք հինաների մեջ:+

12 Վաղ կարթնանանք ու կգնանք խաղողի այգիներ,

Որ տեսնենք՝ խաղողենին շիվեր չի՞ տվել,

Ծաղիկները չե՞ն բացվել,+

Նռնենիները չե՞ն ծաղկել:+

13 Մանրագորները+ բուրում են,

Եվ մեր դռների մոտ ամեն տեսակ ընտիր պտուղներ կան:+