Asʋ̃ Gyisɛsɩ Dɩ Nyamɩnlɩ Tumivʋlɔ Yɩ a?

Mɔɔ Bayɩbʋlʋ yɩ kã

Gyisɛsɩ yɩ adamvʋlɔ dɩndɛlɩ diyialɩ yɩ kɛɛ, ɩpɛ kɛɛ ɩ nɩɩ Nyamɩnlɩ yɛ pɛ. (Dwɔɔnʋ 5:18; 10:30-33) Naasʋ̃ Gyisɛsɩ ɩáyɛ yɩ nwʋ kɛɛ ɩpɛ kɛɛ ɩ nɩɩ Nyamɩnlɩ Tumivʋlɔ nɩ yɛ pɛ kyɩ̃. Ɩhanlɩ kɛɛ: “Ɛzɩlɛ nɩ dɩ kezi tɛla mɩ.”—Dwɔɔnʋ 14:28.

Gyisɛsɩ yɩ mɛdalilɛmaa mɔɔ beli bɔmʋnlɩ nɩ bɛábu yi kɛɛ ɩ nɩɩ Nyamɩnlɩ Tumivʋlɔ nɩ yɛ pɛ. Kɛɛ ndianwʋ nɩ, sʋ̃mavʋlɔ Pɔɔlʋ hɛlɛlɩ kɛɛ wɔ Gyisɛsɩ yi awudunwolɩyɛ mɛda nɩ, Nyamɩnlɩ ‘bigyialɩ yɩ [Gyisɛsɩ] sʋlɔ.’ Ɩda ali petee kɛɛ, nɩ Pɔɔlʋ dedi kɛɛ Gyisɛsɩ ɩ́dɩ Nyamɩnlɩ Tumivʋlɔ nɩ. Sɛ bɛdɩ pɛ a, ankɩ kɛ ɩkɛyɛ na Nyamɩnlɩ iabigyia Gyisɛsɩ sʋlɔ a?—Fɩlɩpɩmaa 2:9.