Asʋ̃ Nyamɩnlɩ Yɛ Ɩma Yɛnwʋ Amanɩyɛ a?

Mɔɔ Bayɩbʋlʋ yɩ kã

Bayɩbʋlʋ yɩ ma yɛnwʋ kɛɛ, ɩ́dɩ zɔ kʋlaa! Amanɩyɛnwʋnlɛ ɩáhɩnla tile nu pɔkɔ mɔɔ nɩ Gyehova Nyamɩnlɩ wɔ ma adasamaa nɩ nwʋ. Mfomi, agyiahʋnlɩmaa mɔɔ beli bɔmʋnlɩ nɩ yɛ bodwodwuli bediyialɩ Nyamɩnlɩ yɩ tumililɛ a, bɛbɛlɩ kɛɛ bɛzabɛ bekezi mɔɔ ɩdɩ baaba nɩɩ tanɩ nwʋ pɔkɔ. Bɛyɛlɩ Nyamɩnlɩ zʋ azʋ̃nzɩzɩbɛ na benyianlɩ nwʋmɔ azʋ̃nlɩhwɩnlɛ.

Bɔ pɔkɔzilɛ tanɩ yɩ nwʋ amanɩyɛ yɛ yɛnwʋʋ yɩ wɔ nnɛ yɩ a. Meti kɛ Nyamɩnlɩ yɛ ɩvalɩ amanɩyɛnwʋnlɛ ɩɣalɩ a.

Bayɩbʋlʋ yɩ kã kɛɛ: “Sɛ abiye kɔ odwohilalɛ nu a, áma ɩkã kɛɛ: ‘Nyamɩnlɩ itwee mɩ ikehila.’ Iluwakɛɛ, abiye lɔ́kʋla kɛva nninyeni tanɩ kodwe Nyamɩnlɩ kehila, na yɩzayɩ sʋ̃ iádwe abiyela ikila.” (Gyemisi 1:13) Abiyela kʋla nwʋ amanɩyɛ, mɔɔ Nyamɩnlɩ yɩ alɔvʋlɔ po kɩnla nwʋ.