ADƲWAVƲLƆYƐLƐ
OZUMALƐDƖYƐ 12
Nyia Akɛnɣazɩzɩbɛ
Egyinalɛzʋ-odwokɔ: “Kɛmɔ ngɔlɔ nɩɩ ɛyɛlɛ ovuãmɛ ma ahʋnlɩnɩ di fɛlɛkʋ̃ nɩ, ɔzɔ la yɛ ɔhɔnwʋ mɔɔ itu fʋlɔ mɔɔ ɩáva dɩyɛ bela isiye nɩ ma ɔhɔnwʋvalɛ yɛ fɛ a.”—Ɛɣɛ. 27:9.
Mɔɔ Gyisɛsɩ Yɛlɩ
1. Kila VIDIYO yi, anzɛnyɩɩ kɩnga Maakɩ 10:17-22. Akʋ̃ bozunzu ndwokɔɣizialɛ mɔɔ ilili ɔzʋlɔ yɩ nwʋ:
Mɩnla subanɩ yɛ ebiye a Gyisɛsɩ nwʋnlɩ yɩ wɔ abɩlantɩyɛ ozukuavʋlɔ yɩ nwʋ a?
Mɩnla ti mɔɔ nɩ Gyisɛsɩ hyinyia ɔlɔlɛ nɩɩ akɛnɣazɩzɩbɛ na ama ɩahʋla iadu abɩlantɩyɛ yɩ fʋlɔ a?
Mɩnla Yɛ Yesuma Wɔ Gyisɛsɩ Kɛnɩ a?
2. Ɩwɔ numɔ kɛɛ ɩsɛ kɛɛ yɛda ɔlɔlɛ ali yekile yɛ Bayɩbʋlʋ dɩyɛzumanlɛmaa dɩyɛ, naasʋ̃ ɩsɛ kɛɛ yɛzʋ̃ akɛnɣazɩzɩbɛ nu yɛma bɔnwʋ nninyeni mɔɔ ɩsɛ kɛɛ bɛyɛ na ama bɛanyia sunzuma ɔfʋã nu anyunumihɔlɛ.
Sumazuma Gyisɛsɩ
3. Bʋwa wʋ Bayɩbʋlʋ dɩyɛzumanlɛvʋlɔ ma ɩva bʋtayɩ be iziye yɩ anyɩ zʋ na idwu nwʋmɔ.
Fa “bʋtayɩ” ɔfʋã mɔ ɩwɔ Sa Ɔkʋla Enyia Anyɩnlɩlelɛ Daabaa! nu nɩ di egyima.
Bʋwa wʋ Bayɩbʋlʋ dɩyɛzumanlɛvʋlɔ nɩ ma ɩnwʋ mɔɔ ɩsɛ kɛɛ ɩyɛ na ama ɩahʋla iadwu bʋtayɩ ngyɩkɩ̃ɩ̃ ngyɩkɩ̃ɩ̃ nɩɩ nɣezile mɔɔ ɩva iziye yɩ anyɩ zʋ nɩ nwʋ.
Ta kamvʋ wʋ Bayɩbʋlʋ dɩyɛzumanlɛvʋlɔ yɩ wɔ anyunumihɔlɛ mɔɔ inyiaa nɩ nwʋ.
4. Nwʋ nninyeni mɔɔ isii yɩ ɔhʋanɩ kɛɛ ikenyia anyunumihɔlɛ nɩ, na bʋwa yɩ ma ili zʋlɔ.
Bizia wʋ nwʋ kɛɛ:
‘Mɩnla yɛ isii mɩ Bayɩbʋlʋ dɩyɛzumanlɛvʋlɔ yɩ ɔhʋanɩ kɛɛ ɩkɛvata ɩkɛma onlumanlɛ a?’
‘Mɩnla yɛ mʋkɔhʋla mɩkɛyɛ mʋkɔwʋwa yɩ a?’
Bɔ mpayɩ fa pɩbɛ akɛnɣazɩzɩbɛ na ama ɔzʋ̃ ɔlɔlɛ nu wʋahʋla wʋama wʋ Bayɩbʋlʋ dɩyɛzumanlɛvʋlɔ yɩ ɩanwʋ mɔɔ ɩsɛ kɛɛ ɩyɛ nɩ petee.
5. Yiaki Bayɩbʋlʋ dɩyɛzumanlɛ mɔɔ iányia anyunumihɔlɛ nɩ.
Sɛ ɛpɛ kɛɛ ɔnwʋ yɩ kɛɛ wʋ Bayɩbʋlʋ dɩyɛzumanlɛvʋlɔ inyiaa anyunumihɔlɛ a, bizia wʋ nwʋ kɛɛ:
‘Asʋ̃ ɩlɛ mɔɔ isumaa nɩ ɩyɛɛ egyima a?’
‘Asʋ̃ ɩba dɩyɛzumanlɛ a, na ɩkã mɔɔ isumaa nɩ nwʋ odwokɔ ikile mmenii mvʋlɔ a?’
‘Sɛ bɔwɔlɩ yɩ tʋ kɛɛ bosumaa dɩyɛ nɩ ɩhyɛ a, asʋ̃ ekila a, ɩpɛ kɛɛ ɩba ɩyɛ Gyehova Dasɩvʋlɔmaa bo nu ɔkʋ̃ a?’
Sɛ Bayɩbʋlʋ dɩyɛzumanlɛvʋlɔ be iányia anyunumihɔlɛ a:
Bʋwa yɩ ma ɩdwɩnɩndwɩnɩ mɔɔ ebiye a, isii yɩ ɔhʋanɩ kɛɛ ikenyia anyunumihɔlɛ nɩ nwʋ.
Duwa nɣɛlɛbɛ ɔhʋanɩ zʋ ma ɩnwʋ sianti mɔɔ eyiakii dɩyɛzumanlɛ yɩ nɩ.
Ma ɩnwʋ mɔɔ ɩsɛ kɛɛ ɩyɛ ansaana wʋawɔ dɩyɛzumanlɛ yɩ tʋ dɔkʋ̃.