“Yɩ́ Mbanimbani Ma Behila Asafʋ Yɩ Zʋ”

Tay 1:5-9

Pɔɔlʋ ɩhyɛlɩ Tayɩtɔsɩ kɛɛ ‘ɩyɩ mbanimbani ma begyina twonwa bela yɩ [asafʋ] nɩ yi ti.’ Sɛ mansini zʋ ehilalɛmaa bɛyɩɩ abiye kɛɛ asafʋ nu ebani anzɛnyɩɩ sʋ̃mɩvʋlɔ a, bekyina ɔzɔ Bayɩbʋlʋ nu ehilalɛzʋdɩyɛ nɩ zʋ yɛ bɛyɩ bɛ a.

ƆHƲANƖHILELƐ OKUWU

Mɔɔ ɩkɛyɛ na bɛali asʋ̃mavʋlɔ yɩ bɛ mmɩlɩ zʋ ehilalɛzʋdɩyɛ mɛda nɩ, Ɔhʋanɩhilelɛ Okuwu nɩ bɛva asɛdɩ mɔɔ anyɩnlɩbʋlʋ ɩwɔ numɔ bowula mansini zʋ ehilalɛmaa bɛ sa kɛɛ bɛyɩ́ asafʋ nu mbanimbani nɩɩ azʋ̃mɩvʋlɔ.

MANSINI ZƲ EHILALƐMAA

Ɩsɛ kɛɛ mansini zʋ ehilalɛvʋlɔ bela ɩfa mpayɩwɔlɛ isunzu bɛzabɛ mɔɔ asafʋ nu mbanimbani bɛkɛhamvʋ bɛ bekehile kɛɛ bɛyɩ bɛ ma bɔzʋ̃mɩ kɛɛ asafʋ nu mbanimbani nɩɩ azʋ̃mɩvʋlɔ nɩ nwʋ bʋwɔ ansaana bɛayɩ bɛ.

ASAFƲ NU MBANIMBANI

Sɛ bɛyɩ abiye kɛɛ asafʋ nu ebani bowie po a, ɩsɛ kɛɛ ɩkɔlɩ ɔzʋlɔ itwu Ɛhɛlɛlɛ Odwokɔ yi nu ɛbɩbɛlɛdɩyɛ mɔɔ ɩma abiye ɩfata nɩ nwʋ.