Fá Anyɩnlɩlelɛ Kilehile

Sɛ yɛ anyɩ ide a, ɩkʋla ɩma mmenii mvʋlɔ sʋ̃ bɛ anyɩ ide. Ɩkʋla ɩma ye ediyelɛmaa bɛyɛ azʋnlɩ bɛma yɛ. Ikile sʋ̃ kɛɛ yebu yɛ odwokɔ nɩ kɛɛ ɩtʋ bʋlɔ. Ɩávalɩ nwʋmɔ yɛ amamu anzɛnyɩɩ kezimɔ yɛdɩ nɩ, sa yɛkʋla yenyia anyɩnlɩlelɛ. (Wul 12:11) Mɩnla ɔhʋanɩ zʋ a?

Mɔɔ ili bɔmʋnlɩ, sunzú kezimɔ wʋ odwokɔ yɩ nwʋmɔ ihyinyia nɩ nwʋ. Ɛlɛ ɔnwʋmɔ ɔhʋanɩ kɛɛ ‘ɔkɔwɔ Odwokɔba nɩ ɛlawulo!’ (Wul 10:15) Mɔɔ ɩtɔ ɔzʋlɔ anwɩ̃, dwɩnɩndwɩnɩ́ kezimɔ wʋ ediyelɛmaa nɩ bekenyia Odwokɔba yɩ zʋ mfasʋ nɩ nwʋ. Ihyinyia paa kɛɛ bɛtɩ wʋ odwokɔ yɩ nɩ. (Wul 10:13, 14) Mɔɔ itualɩ yɩ tʋ nɩ, fá ɛhyɩmɛ tɩndɛ, fá eniiwudo mɔɔ bɛfa besizi ndwokɔ zʋ owudo nɩɩ wʋ anyunu nyɛlɩyɛ da kezimɔ ɛtɩ nɣanlɩ nɩ ali.

KILÁ VIDIYO MƆƆ BƐYƐ YƖ DƖLAMA MƆƆ ISE NYIÁ ANYƖNLƖLELƐ WƆ ADƲWAVƲLƆYƐLƐ EGYIMA YI NU —TÚ MPƲNƖ WƆ WƲ EHILEHILELƐ NU—FÁ ANYƖNLƖLELƐ KILEHILE, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla yɛ ɩmanlɩ anyɩnlɩlelɛ mɔɔ Anita ɩwɔ wɔ ɩ nɩɩ Jade bɛ Bayɩbʋlʋ dɩyɛzumanlɛ yi nu nɩ ɩhanlɩ azɩ a?

• 

  Mɩnla yɛ ɩwʋwalɩ Anita ma yɩ anyɩ izialɩ ileli dɔkʋ̃ a?

• 

  Mɩnla ti mɔɔ ɩsɛ kɛɛ yɛfa yɛ adwɩnɩ yesiye ye ediyelɛmaa nɩ bo subanɩba zʋ a?

• Mɩnla tumi yɛ yɛ anyɩnlɩlelɛ ɩkɔhʋla ikenyia wɔ yɛ Bayɩbʋlʋ dɩyɛzumanlɛmaa nɩɩ mmenii mvʋlɔ bɔ zʋ a?