Fá Nninyeni Mɔɔ Yɛfa Yɛyɛ Ɛbɩbɛlɛnu Nɩ Di Egyima

Gyehova ɩva nninyeni mɔɔ yehyinyia na ama yɛahʋla yeahilehile bʋwɔ nɩ ɩma yɛ. Ebiye yɛ lɛ vidiyo azʋlɔtʋ, ahɛlɛta mmalɛ, magezini azʋlɔtʋ, blohyʋɔ azʋlɔtʋ, awuuku, nɩɩ titili Bayɩbʋlʋ yɩ. (2Tim 3:16) Akʋ̃ sʋ̃, ɩva nninyeni mɔɔ yɛfa yɛyɛ ɛbɩbɛlɛnu ɩma yɛ na ɩawʋwa yɛ ma yɛahʋla yeahilehile Ɛhɛlɛlɛ Odwokɔ nɩ nu bʋwɔ. Eyimmɔ be yɛ lɛ Watchtower Library, JW Library^® app, Watchtower ONLINE LIBRARY™, nɩɩ Buuku Mɔɔ Gyehova Dasɩvʋlɔmaa Bɛfa Bɛyɛ Ɛbɩbɛlɛnu wɔ Twi nu.

Sɛ ɛfa nninyeni mɔɔ iwulu yɛ zʋ ɛpɩbɛlɩ sunzuma ɔfʋã nu anwʋnyia mɔɔ ɩwɔ Bayɩbʋlʋ nu nɩ a, wʋ anyɩ ikele baaba. Bɔ́ mmɔdɩnɩ tɩdɩ wʋ Bayɩbʋlʋ dɩyɛzumanlɛmaa ma bɔnwʋ kezimɔ bɛkɛva ɔzɔ nninyeni nɩ bɛkɛyɛ egyima. Na bɛzabɛ sʋ̃ bɛ anyɩ ikele mmɩlɩ mɔ bɔnwʋʋ bo ndwokɔɣizialɛ nwʋ mmunwalɩyɛ wɔ Bayɩbʋlʋ nu nɩ.

KILÁ VIDIYO MƆƆ BƐYƐ YƖ DƖLAMA MƆƆ ISE NYIÁ ANYƖNLƖLELƐ WƆ ADƲWAVƲLƆYƐLƐ EGYIMA YI NU—DÉ GYEHOVA YƖ MMƲWALƖYƐ TIÃ NU—NNINYENI MƆƆ YƐFA YƐYƐ ƐBƖBƐLƐ NU, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla adwɩnɩ yɛ nɩ Jade ɩwɔ yɩ wɔ dɩyɛwɔlɛ nwʋ a?

• 

  Ɛhɩnla dɩka yɛ Anita inyianlɩ ndwokɔ mɔɔ ɩfalɩ bɔ nkɔmmɔ yɩ nwʋ a?

• 

  Mɩnla ɔhʋanɩ zʋ yɛ ɩyɩlɩ ndwokɔ pɔkyɩɩ be mɔɔ ɩkɔwʋwa Jade a?

• Nninyeni mɔɔ yɛfa yɛyɛ ɛbɩbɛlɛnu nɩ, kɛ ɩwʋwalɩ Anita izeli a?