Kilehilé Wʋ Bayɩbʋlʋ Dɩyɛzumanlɛmaa Ma Bɔnwʋ Kezimɔ Bɛzabɛ Bokozuma Dɩyɛ

Mɔɔ ɩkɛyɛ na Bayɩbʋlʋ dɩyɛzumanlɛmaa bɛanyia anyunumihɔlɛ na bɛanyi wɔ sunzuma nu nɩ, ɩsɛ kɛɛ benyia Bayɩbʋlʋ nu nnimidi mɔɔ numɔ ɩdɔ. (Mt 5:3; Hib 5:12–6:2) Ɩsɛ kɛɛ bɔnwʋ kezimɔ bɛzabɛ bokozuma dɩyɛ.

Dí bɔmʋnlɩ kile wʋ Bayɩbʋlʋ dɩyɛzumanlɛmaa ma bɔnwʋ kezimɔ bekeziyeziye bɔ nwʋ bɛkɛma bɛ dɩyɛzumanlɛ yɩ na hyɛ bɛ ɛzɩzɩbɛ ma bɛyɛ ɔzɔ sʋ̃. (mwb18.03-TW 6) Hyɛ́ bɛ ɛzɩzɩbɛ ma bɔwɔ mpayɩ ansaana bɛazuma dɩyɛ. Bʋwá bɛ ma bɔnwʋ kezimɔ bɛkɛva nninyeni mɔɔ yɛfa yesuma dɩyɛ mɔɔ ɩwɔ ɩlɛtɩlɔnɩkɩ zʋ nɩ bekeli egyima. Kilehilé kezimɔ bɔkɔnwʋ nninyeni mvʋlɔ mɔɔ ɩwɔ jw.org nɩɩ JW Broadcasting^® zʋ nɩ nu kile bɛ. Kɔ ɔzʋlɔ kilehile bɛ ma bɛɣɩnga Bayɩbʋlʋ yɩ eɣile bela, beziyeziye bɔ nwʋ bɛma asafʋ dɩyɛzumanlɛ, na bɛbɩbɛ bɛzabɛ bo ndwokɔɣizialɛ nwʋ munwalɩyɛ. Bʋwá bɛ ma bɔnwʋ kezimɔ bɔkɔdwɩnɩndwɩnɩ mɔɔ bosumaa nɩ nwʋ.

KILÁ VIDIYO MƆƆ BƐYƐ YƖ DƖLAMA MƆƆ ISE BƲWÁ WƲ BAYƖBƲLƲ DƖYƐZUMANLƐMAA MA BƐZABƐ BELÍ SUNZUMA ƆFƲÃ NU ALƖYƐ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla ɔhʋanɩ zʋ yɛ Anita ɩwʋwalɩ Jade ma ɩnwʋnlɩ kɛɛ dɩyɛzumanlɛ ɩkɔ aɣinzi ɩtɛla munwalɩyɛ kɛkɛ mɔɔ ɩkɔnwʋ yɩ la a?

• 

  Mɩnla yɛ ɩwʋwalɩ Jade ma ileli idianlɩ numɔ kɛɛ Gyehova wɔ ɔnwʋmɔ ɔhʋanɩ kɛɛ ikehyi ɛbɩlazɩkɛlɛ a?

• 

  Mɩnla yɛ Jade ɩɣa ɩnwʋnlɩ wɔ dɩyɛ mɔɔ ɩkɔdwɩnɩndwɩnɩ nwʋmɔ nwʋ a?