KILISINYIAMAA BƐ ƐBƖLAWƆLƐ
Mmuwuanɩzʋhilalɛmaa Mɔɔ Bɛyɛ Mɔɔ Bɔkɔhʋla Bela Bɔbʋwa Gyehova Yi Mmenii
Mmenii sʋ̃maa bɛále bɛzabɛ mɔɔ bɛlɛ tumi nɩ bedi. Yɛtɩ ɔzɔ mmenii yi tʋ paa. Iluwakɛɛ wɔ adasamaa abakɔsɛmɩ nu nɩ, mmenii sʋ̃maa fa bo tumi di egyima wɔ ɔhʋanɩ tanɩ zʋ fa pɩbɛ mfasʋ ma bɛzabɛ bɔ nwʋ. (Mik 7:3) Kila kezimɔ yɛ anyɩ sɔ paa kɛɛ bɛtɩdɩ asafʋ nu mbanimbani ma bɛfa bo tumi bedi egyima ma Nyamɩnlɩ yi mmenii nyia ɔzʋlɔ mfasʋ.—Ɛs 10:3; Mt 20:25, 26.
Asafʋ nu mbanimbani bɛ́dɩ kɛɛ bɛzabɛ mɔɔ bɔwɔ tumi wɔ oyuwadɩ eyi nu nɩ, bɛyɛ be egyima kɛɛ ehilalɛmaa iluwakɛɛ bɔdɔ Gyehova nɩɩ yi mmenii. (Dwɔ 21:16; 1Pit 5:1-3) Wɔ Gyisɛsɩ yɩ ɔhʋanɩhilelɛ tʋ nɩ, mmuwuanɩzʋhilalɛmaa eyimmɔ bʋwa ɛlawulowɔlɛvʋlɔ bela ma ɩtɩ nɣanlɩ kɛɛ ɩkɩnla Gyehova yɩ abusunwa yɩ nwʋ na bɔbʋwa bɛ ma bebike Gyehova sʋ̃. Bɛyɛ ndɛndɛ bɛhyɛ Gyehova yi mmuwuanɩ nɩ ɛzɩzɩbɛ na bɔbʋwa bɛ mmɩlɩ mɔ adimakɛlɛ mɔɔ bɛáhila yɩ ɔhʋanɩ anzɛnyɩɩ asianɩ be ɩdʋ bɛ nɩ. Sɛ ehyinyia mmʋwalɩyɛ be a, áma ɔtwɩnhwɩ̃ wʋ agyia azɩ kɛɛ ɛ nɩɩ asafʋ nu ebani be mɔɔ ɩwɔ wʋ asafʋ nu kɔwɔ nwʋmɔ nkɔmmɔ.—Gye 5:14.
KILÁ VIDIYO MƆƆ ISE MMUWUANƖZƲHILALƐMAA MƆƆ BEKILA GYEHOVA YI MMUWUANƖ YƖ ZƲ, NA AKƲ̃ YƖ NDWOKƆƔIZIALƐ EYIMMƆ BO MUNWA:
Mɩnla ɔhʋanɩ zʋ yɛ Mariana nyianlɩ mmʋwalɩyɛ mɔɔ asafʋ nu mbanimbani va manlɩ yɩ zʋ mfasʋ a?
Mɩnla ɔhʋanɩ zʋ yɛ Elias nyianlɩ mmʋwalɩyɛ mɔɔ asafʋ nu mbanimbani va manlɩ yɩ zʋ mfasʋ a?
Ehilalɩ vidiyo yi owieli nɩ, kɛ ɛtɩ nɣanlɩ wɔ egyima mɔɔ asafʋ nu mbanimbani bɛyɛ nɩ nwʋ ese a?