Ɛhyɩmɛ Nɩɩ Nɣanlɩdɩlɛ

1 Tɛsalonikamaa 2:7, 8

MƆ ƖSƐ KƐƐ ƐYƐ: Má wʋ ediyelɛmaa nɩ bɔnwʋ yɩ kɛɛ ɔdɔ bɛ na ɛpɛ kɛ ɔbʋwa bɛ.

KEZIMƆ ƐKƐYƐ YƖ:

• Sunzú wʋ ediyelɛmaa nɩ bɔ nwʋ. Dwɩnɩndwɩnɩ́ ndwokɔ ɛzɩzɩbɛ mɔɔ wʋ ediyelɛmaa beyiyiaa nɩ nwʋ fa siyeziye wʋ ahʋnlɩnɩ. Bɔ́ mmɔdɩnɩ kɛɛ okozunzu kezimɔ bɛtɩ nɣanlɩ nɩ nwʋ.

• Má wʋ anyɩ ɩla ɛkɛnɩ wɔ ndwokɔ mɔɔ ɛkɛhã nɩ nwʋ. Kilá kɛɛ wʋ ndwokɔ nɩ ɩkɛhyɛ wʋ ediyelɛmaa nɩ ɛzɩzɩbɛ na ɩayɩkyɩ bɛ ɛɣɛɛlɛ. Áma ɛkã ndwokɔ mɔɔ ɩkɛha bɛ, na áma ɛtɩndɛ tiyia bɛzabɛ mɔɔ bɛále Gyehova bedi anzɛnyɩɩ be dedi.

• Kilé bɔ nwʋ anyɩnlɩlelɛ. Fá nnɩ mɔɔ ɩla azɩ nɩɩ eniiwudo mɔɔ bɛfa besizi ndwokɔ zʋ owudo mɔɔ ɩfata nɩ fa kile kɛɛ ɔdwɩnɩ wʋ ediyelɛmaa nɩ bɔ nwʋ. Má wʋ anyɩ ɩla ɛkɛ wɔ kezimɔ ɛyɛ wʋ anyunu nɩ nwʋ, na ta ma wʋ anyunu ɩyɛ ɛzɩlɩkɛ ɛzɩlɩkɛ.