Paˇ dmˬ heu dmˬ zmˬ jeˬ zmˬ kawˆ

Sahˬ boꞈ myaˆ pyawˬ nyaˆ taꞈ pyawˬ˗ahˇ neh naˇ, nawˇ aˬ yawꞈ nah yawꞈ˗euˬ Jaˇliꞈ aˇ deuˆ hawˇ˗eu teu deuˆ nehˬ˗ehˇ taꞈ˗eu gaˇ kawˆ deuˬ˗ahˇ ya mawˇ tehꞈ˗a. Nawˇ Jaˇliꞈ aˇ deuˆ hawˇ˗eu gaˇ kawˆ teu˗ahˇ aˬ geu ngeh yamˬ˗ahˇ maˬ kaˬ gui nya kʼawꞈ, uˬ shawˬ paw gui˗eu teu naˇ gaˇ dahˇ tsoeˬ dzehˬ nya lehˇ gʼawˬ mya gʼaˬ ehˇ˗eu meh. Uˬ shawˬ paw neh gui˗eu heu naˇ, gaˇ kawˆ teu˗ahˇ tiˬ nah nah ga ni shaˇ noeˬ shaˇ sawˇ mˇ nya˗awˇ, Jaˇliꞈ teu deuˆ˗ahˇ pehˬ zaˬ ma zaˬ luꞈ tiˬ kawˆ loꞈ˗ehˇ ja sawˇ naˇ gaˇ dahˇ tsoeˬ dzehˬ meh. Miˇ kʼahˬ doe ni jaˆ˗eu Beˬdeˬlaˇ nymˇ jiˇ deuˬ, uˬ shawˬ hawˬ dzaˬ ngeh ja sawˇ˗eu meh.

Jaˇliꞈ aˇ deuˆ˗ahˇ dzawˇ lahˬ nehˬ˗eu gaˇ kawˆ deuˬ naˇ, 2019 kʼoꞈ, Oeˬ siˬ ba la hawˇ˗eu, 2020 kʼoꞈ Smˇ siˬ ba la˗ahˇ doˆ laˇ˗euˬ Loꞈ˗eu nymˇgoˇ paˇ dmˬ˗ahˇ neh yuˇ laꞈ˗euˬ meh. Loꞈ˗eu nymˇgoˇ doˆ laˇ˗euˬ ba la aˇ siˬ˗euˬ jeˬ nah jaˆ˗eu naˬ ba heu naˇ, sahˬ boꞈ myaˆ pyawˬ pyeuꞈ˗awˇ, teu˗euˬ jeˬ nah jaˆ˗eu naˬ ba naˇ, aˇ deuˆ pyeuꞈ meh. (Laꞈ oˆ jaˆ˗eu yaw jeˬ ma jeˬ˗ahˇ haw.) Aˇ deuˆ teu nehˬ˗ehˇ taꞈ leˇ˗awˇ dzawˇ lahˬ taˬ˗euˬ jeˬ teu deuˆ yuˇ laˬ leˇ˗euˬ kawˆ laꞈ kʼoeˇ ahˇ meh.