Ka li˗euˬ pehˬ zaˇ˗ahˇ maˬ gʼawˬ iˇ ni caw teh

Yeˬsuˇ aˬ dui lawˬ haw˗eu jeˬ˗ahˇ hawˇ˗eu kʼehˬ˗eu kʼaˆ˗eu jeˬ˗ahˇ ya daˬ ngeh bi dzaw geuꞈ˗eu gʼaˇ duˬ, mˇ mehˬ nehˬ yaꞈ˗euˬ meh. (1 Beˬ 2:21-23) Yeˬsuˇ yehˬ baw sehˇ lu˗ehˇ ehˇ laˇ gaˇ hawˇ˗eu kʼehˬ laˇ kʼaˆ laˇ gaˇ ya daˬ kʼawꞈ, laˆ poˆ maˬ mˇ haw˗aˬ. (Kuˆ 15:29-32) Aˬ yawꞈ˗ahˇ oˇ daˬ coeˇ ni caw ba nehˬ˗eu aˬ jeˬ nga? Aˬ yawꞈ Yeˬhawˇbaˬ˗euˬ nui kʼahˇ mˇ ma lehˇ noeˬ tsehˆ taˬ˗euˬ meh. (Yoˇ 6:38) Kʼoeˇ naˇ, aˬ yawꞈ “mehˬ shi jaˆ luꞈ˗eu laˬ kʼaˬ cehˇ˗eu jeˬ”˗ahˇ jiˇ haw tsoˆ taˬ˗euˬ meh.—Heˬ 12:2.

Aˬ dui˗euˬ nui jah baˬ da neh, aˬ cawˬ aˬ dui˗ahˇ yehˬ baw sehˇ lu˗ehˇ jahˇ laˇ naˇ, aˬ joˆ˗ehˇ jahˇ nmˇ? Maˇ diˇ Ka li zaˬ deuˬ ‘aˬ cawˬ yaw doeˇ jahˇ laˇ ngeh, yaw doeˇ maˬ jahˇ kʼoꞈ nehˬ’˗a. (Maˆ 12:14, 17) Aˬ dui Yeˬsuˇ shaˬ zahˬ˗ahˇ ya tahˬ puˬ ngeh oˇ oꞈ˗euˬ loꞈ˗ehˇ oˇ naˇ, Miˬyehˇ aˬ dui˗ahˇ nui kʼahˇ shiˇ meh lehˇ aˬ dui siˬ nya˗eu miˇ neh laˬ kʼaˬ cehˇ˗eu meh.—Tehˬ 5:10-12; 1 Beˬ 4:12-14.

Yeˬhawˇbaˬ˗euˬ tsawˇ myahˇ aˇ yeˇ huiˬ dui dui lehˇ ehˇ˗eu biˬdiˬoˬ pah˗awˇ, laꞈ oˆ jaˆ˗eu naˇ haˬ jeˬ heu deuˬ˗ahˇ dawˬ kʼoꞈ biꞈ:

• Mehˇ nmˇ Poˇsiˬgeuˬ tiˬ gʼaˬ tehꞈ˗ehˇ bi kaꞈ lahˇ taˬ ngeh, aˇ yamˬ yaw gahˇ gahˇ˗ehˇ aˬ joˆ˗ehˇ zmˬ˗euˬ nga?

• Mehˇ nmˇ Poˇsiˬgeuˬ aˬ nyaꞈ dzeˇ zaˬ tiˬ gaˇ naˇ tiˬ gaˇ bi kaꞈ lahˇ ngeh, aˬ jeˬ jeˇ˗ahˇ ya oˇ dzeuˇ˗euˬ nga?

• Aˬ yawꞈ nyaꞈ˗ahˇ oˇ daˬ coeˇ ni caw ba nehˬ˗euˬ aˬ jeˬ nga?