Ka li zaˬ˗euˬ dehꞈ ziˇ

Nawˇ mˇ dzaˬ kʼawꞈ dawˇ˗eu shaˬ zahˬ˗euˬ gʼaˇ duˬ, lehˬ hmˬ taˬ maˬ laˬ?

Aˬ dui miˇ tsaˬ kʼoeˇ taˆ mˇ dzaˬ kʼawꞈ dawˇ˗eu shaˬ zahˬ pyeuꞈ laˇ gaˇ maˬ zahˬ leˇ. Aˬ jeˬ miˇ neh ehˇ naˇ, aˬ dui aˇ saˬ saˬ˗eu aˇ nah aˇ yamˬ laꞈ kʼoeˇ dehꞈ luꞈ˗awˇ, Jaˇliꞈ laꞈ kʼoeˇ jiˇ ‘yaw duˬ maˬ baw˗eu pyuˇ shuiˇ myawˬ gahˬ deuˬ˗ahˇ taˬ noeˬ tmˬ’ lehˇ ehˇ taˬ˗euˬ meh. (1 Tiˆmoˇseˬ 6:17, 2 Tiˆmoˇseˬ 3:1) Mˇ dzaˬ kʼawꞈ dawˇ˗eu shaˬ zahˬ˗euˬ gʼaˇ duˬ, lehˬ hmˬ˗euˬ gaˇ kawˆ nehˬ˗ehˇ taꞈ leˇ˗awˇ, aˬ dui sahˬ paˬ Yeˬhawˇshaˬpaˇ˗ahˇ neh aˬ jeˬ dzaw geuꞈ nya˗eu nga?

Yeˬhawˇshaˬpaˇ muiˇ˗eu deuˬ neh bi lmˬ ngeh, Yeˬhawˇbaˬ˗ahˇ nui ma taˬ˗eu meh. (2 Laˬsaˬbaˬ 20:9-12) Kʼoeˇ naˇ aˬ yawꞈ saˇ suˬ ni maˬ jawˇ ni kʼaˇ jahˇ nya˗eu jeˬ jahˇ˗awˇ, Yuˇdaˆ miˇ kʼahˬ laꞈ kʼoeˇ jaˆ˗eu meuˬ deuˬ˗ahˇ maˬ ehˇ, gaˇ mahˇ kaˬ˗eu jawˇ duˬ deuˬ˗ahˇ maˬ ehˇ, aˬ yawꞈ˗euˬ guiˇ maꞈ deuˬ bi jawˇ byah˗euˬ meh. (2 Laˬsaˬbaˬ 17:1, 2, 12, 13) Yeˬhawˇshaˬpaˇ loꞈ˗ehˇ duˇ ni aˬ dui jiˇ Yeˬhawˇbaˬ˗ahˇ nui ma taˬ˗awˇ, shaˬ zahˬ˗ahˇ kamˬ daˬ coeˇ ni, aˬ dui mˇ nya˗eu jeˬ ya mˇ˗eu meh.

Aˬ dui mˇ dzaˬ kawꞈ dawˇ˗eu shaˬ zahˬ˗euˬ gʼaˇ duˬ, aˬ joˆ˗ehˇ lehˬ hmˬ taˬ nya˗eu nga?

Nui jah paw lehˬ hmˬ taˬ: Aˬ dui yawˬ ha jaˆ˗eu jeˬ˗ahˇ nui kʼahˇ ya shiˇ˗awˇ, aˬ yawꞈ nah yawꞈ loˬ˗eu jeˬ jaˆ nya ni Yeˬhawˇbaˬ caw ba nehˬ laꞈ meh lehˇ jah ziꞈ laˇ ni ya leh jeh˗eu meh. (Maꞈtehˬ 6:26; 1 Tiˆmoˇseˬ 6:8) Kʼoeˇ naˇ mˇ dzaˬ kʼawꞈ dawˇ˗eu yaw shaˬ kʼawꞈ, Jaˇliꞈ zahˇ˗ahˇ bahˬ˗eu jeˬ maˬ mˇ lehˇ ya noeˬ tsehˆ taˬ˗eu meh. (Loˇmaˆ 2:21) Nawˇ iˇteuꞈnehꞈ maˬ ngeuˇ naˇ miˬ dzaˬ maˬ jaˆ ngeh, yawˬ ha˗euˬ nui jah˗ahˇ bo saˆ˗eu gʼaˇ duˬ, paˇ dmˬ tiˬ dmˬ na yuˇ taˬ nya˗awˇ tiˬ jeˬ na daoˇloˆ taˬ nya˗eu meh.

Myawˬ deuˬ lehˬ hmˬ taˬ: Mˇ dzaˬ kʼawꞈ dawˇ˗eu shaˬ zahˬ maˬ pyeuꞈ laˇ mi naˆ˗ehˇ jiˇ dzoˆ tsoeˬ jiˇ˗awˇ, maˬ loˬ gaˇ pyuˇ zmˬ paˬ˗ehˇ maˬ gʼeh˗a. (Dawˬdaˬ 22:7) Gʼeh nya naˇ dzaˬ dzaˬ dawˇ dawˇ hawˇ˗eu loˬ˗eu myawˬ deuˬ loꞈ leˇ ni lehˬ hmˬ taˬ paˬ˗ehˇ gʼeh˗eu meh. Tiˬ deuˬ na pyuˇ yaw ciˬ ciˬ lehˇ zmˬ˗eu gʼaˇ duˬ, aˇ siˬ aˇ lu, gʼawˬ paꞈ gʼawˬ nyoeˇ ka˗eu meh.

Nawˇ uˬ jeˬ jaˬ lehˇ˗euˬ shaˬ zahˬ gʼaˇ duˬ, lehˬ hmˬ taˬ maˬ loˇ? lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

“Nawˇ uˬ jeˬ jaˬ lehˇ˗euˬ shaˬ zahˬ gʼaˇ duˬ, lehˬ hmˬ taˬ maˬ loˬ?” lehˇ ehˇ˗eu biˬdiˬoˬ˗ahˇ neh laˇ˗euˬ aˇ baˇ tiˬ baˇ na. Yaw lah lah lehˇ gʼeh˗eu aˇ baˇ laꞈ kʼoeˇ Jaˇliꞈ paˇ dmˬ, loˬ˗eu jeˬ dawˆ ahˇ taˬ˗euˬ pehˇ tahˇ, iˇ kʼahˇ laˆ˗eu luꞈ˗euˬ mehˇ nmˇ deuˬ˗euˬ aˇ baˇ ahˇ.

Aˬ dui uˬ jeˬ jaˬ lehˇ˗euˬ shaˬ zahˬ˗euˬ gʼaˇ duˬ, aˬ joˆ˗ehˇ lehˬ hmˬ taˬ nya˗eu nga?

nawˬ˗euˬ dawˬ k’oꞈ

“Nawˇ uˬ jeˬ jaˬ lehˇ˗euˬ shaˬ zahˬ gʼaˇ duˬ, lehˬ hmˬ taˬ maˬ loˬ?” lehˇ ehˇ˗eu biˬdiˬoˬ˗ahˇ neh laˇ˗euˬ aˇ baˇ tiˬ baˇ na. Mehˇ nmˇ deuˬ iˇ kʼahˇ lawˬ muˇ laꞈ saˆ nehˬ˗eu gʼaˇ duˬ myawˬ deuˬ baˆ ka nehˬ.

Aˬ dui aˬ cawˬ˗ahˇ caw ba˗eu gʼaˇ duˬ, aˬ jeˬ jeˇ lehˬ hmˬ taˬ nya˗eu nga?

nawˬ˗euˬ dawˬ k’oꞈ