Ka li zaˬ˗euˬ dehꞈ ziˇ
Yeˬhawˇbaˬ nui ma cawˆ˗eu deuˬ˗ahˇ caw ba
Tiˬ poˆ na aˬ dui yawˬ gʼaˬ na luꞈ nui ma cawˆ˗eu jeˬ jaˆ˗eu meh. Aˬ dui nui ma cawˆ˗eu teu naˇ, aˬ dui˗euˬ nui jah gʼaˬ baˬ meh lehˇ ehˇ mawꞈ˗eu maˬ ngeuˇ˗a, Yeˬhawˇbaˬ kʼawꞈ ni tiˬ poˆ na nui ma cawˆ˗eu lehˇ ehˇ taˬ˗euˬ meh. (Aˇdahˬbeh˗eu 6:5, 6) Ehˇ kʼawꞈ aˬ dui tiˬ kʼehˬ ma taˬ nui ma cawˆ˗awˇ, aˬ myah luꞈ toˆ˗ehˇ gʼeh naˇ aˬ joˆ˗ehˇ jahˇ nya˗eu nga?
Yeˬhawˇbaˬ˗ahˇ caw ba˗eu jeˬ shaˇ. Yeˬhawˇbaˬ aˬ dui aˬ joˆ˗ehˇ gʼeh˗awˇ, aˬ jeˬ noeˬ˗eu lehˇ maˇ diˇ noeˬ keuˆ nehˬ laꞈ˗eu meh. Yeˬhawˇbaˬ aˬ dui laˬ kʼaˬ cehˇ ngeh maˬ ehˇ, nui ma cawˆ ngeh maˬ ehˇ, aˬ jeˬ miˇ neh teu loꞈ˗ehˇ pyeuꞈ luꞈ˗eu lehˇ siˬ nya˗awˇ gʼoˆ shaw nehˬ laꞈ˗eu meh. (Ja ceuˬ 7:9b) Aˇ yeˇ huiˬ dzehˬ˗eu jeˬ naˇ, Yeˬhawˇbaˬ aˬ dui˗ahˇ ngehˬ gʼeh mawꞈ˗awˇ, aˬ dui nui ma cawˆ˗eu jeˬ hawˇ˗eu nui noeˬ shaˬ˗eu naˇ gawˇ˗ahˇ kamˬ daˬ nya ni caw ba nehˬ nya˗eu meh.—Ja ceuˬ 34:18.
Nui ma paw bo saˆ. Maˬ muiˬ paw dzeˇ dzaˬ˗ahˇ tehꞈ˗ehˇ noeˬ˗eu nui noeˬ heu naˇ, Yeˬhawˇbaˬ nehˬ˗ehˇ cawˬ cawˬ˗eu jeˬ hawˇ˗eu laˬ kʼaˬ cehˇ˗eu jeˬ˗ahˇ deuˬ˗eu meh. Teu miˇ neh aˬ dui yawˬ ha˗euˬ nui ma hawˇ˗eu nui noeˬ˗ahˇ bo saˆ˗eu leh jeh˗eu ma.—Dawˬdaˬ 4:23
Niˇkiˬ nui noeˬ shaˬ˗eu naˇ gawˇ˗ahˇ, kamˬ daˬ nya˗eu gʼaˇ duˬ aˬ jeˬ jeˇ jahˇ˗euˬ nga?
Niˇkiˬ saˬ laˬ gʼoˬ jawˇ gaˇ ya iˇ˗eu lehˇ, aˬ jeˬ miˇ neh noeˬ leˇ˗euˬ nga?—Maꞈtehˬ 9:12
Niˇkiˬ Yeˬhawˇbaˬ˗ahˇ gʼoe˗eu gʼaˇ duˬ aˬ jeˬ jeˇ jahˇ˗euˬ nga?