Nyehꞈ suꞈ laˇ˗eu jeˬ˗ahˇ ya daˬ ngeh kʼaˬ duˬ ni tsaˬ˗eu jeˬ mˇ

Bawˇlawˇpeh Yeˬlaˬmiˇ hawˇ˗eu Eˇbehˆmeˬlehˆ˗euˬ nui kʼaˬ˗ahˇ dzaw geuꞈ˗eu gʼaˇ duˬ Yeˬlaˬmiˇ 38:1-13-ahˇ gui.

Laꞈ oˆ laꞈ taˆ jaˆ˗eu gaˇ kawˆ deuˬ˗ahˇ pyehˆ tseˇ. Yeˬhawˇbaˬ jawˇ gaˇ neh oe˗euˬ dawˬ tsaꞈ gaˬ˗eu gʼaˇ duˬ, Yeˬlaˬmiˇ aˬ jeˬ miˇ neh nui kʼaˬ ahˇ˗eu loˬ˗eu nga? (Yeˬlaˬmiˇ 27:12-14; 28:15-17; 37:6-10) Yeˬlaˬmiˇ tsaꞈ gaˬ˗euˬ dawˬ˗ahˇ ya gaˬ˗euˬ deuˬ aˬ joˆ˗ehˇ gʼeh˗eu nga?—Yeˬlaˬmiˇ 37:15, 16.

Pyehˆ tseˇ lahˬ. Yeˬlaˬmiˇ aˬ jeˬ˗euˬ gaˇ kawˆ˗ahˇ nyehꞈ suꞈ laˇ gaˇ ya daˬ˗euˬ nga? (jr˗SI 27-28 20-22) Gaˇ hu saˇ ka˗ahˇ˗euˬ iˇ cuꞈ lah duˬ jahˇ taˬ˗euˬ heu naˇ, aˬ joˆ˗ehˇ gʼeh˗eu nga? Aˬ jeˬ˗euˬ gaˇ duˬ zmˬ˗eu nga? (it-1-E 471) Lah yaˬ yaˬ˗eu lah duˬ˗ahˇ bi nyehꞈ ahˇ ngeh Yeˬlaˬmiˇ˗ahˇ aˬ joˆ˗ehˇ gʼeh leˇ paˬ nga? Eˇbehˆmeˬlehˆ aˬ jeˬ˗euˬ gaˇ kawˆ˗ahˇ nui kʼaˬ ya ahˇ˗eu nga?—w12-SI 5/1 31 ¶2-3.

Aˬ jeˬ ya siˬ˗euˬ nga? Yawˬ ha˗ahˇ heu loꞈ˗ehˇ naˇ haˬ:

• ‘Gaˇ kawˆ heu naˇ, Yeˬhawˇbaˬ aˬ yawꞈ˗euˬ saˇ jaˇ ziꞈ˗eu gaˇ mˇ zaˬ deuˬ˗ahˇ haw piˇ˗eu gaˇ kawˆ nehˬ˗ehˇ taꞈ leˇ˗awˇ aˬ jaˬ bi siˬ laꞈ˗euˬ nga?’ (Ja ceuˬ 97:10; Yeˬlaˬmiˇ 39:15-18)

• ‘Ngaˇ aˬ joˆ˗ehˇ gʼeh˗eu aˇ yamˬ laꞈ kʼoeˇ nui kʼaˬ ahˇ˗eu loˬ nga?’

• ‘Nyehꞈ suꞈ laˇ˗eu jeˬ˗ahˇ ya puˬ ngeh kʼaˬ duˬ ni tsaˬ˗eu jeˬ mˇ nya˗eu gʼaˇ duˬ aˬ joˆ˗ehˇ lehˬ hmˬ taˬ nya˗eu nga?’ (w11-SI 3/1 30)a