Leh jeh daˆ leꞈ

Pawˇluˆ aˬ jeˬ jahˇ˗euˬ nga?

Biˬdiˬoˬ: Pawˇluˆ Eˇpeˇsu meuˬ˗ahˇ leh jeh˗awˇ tsaꞈ gaˬ daˆ leꞈ

1. Biˬdiˬoˬ˗ahˇ haw, maˬ ngeuˇ naˇ Gʼaˬkʼehˇ 19:8-10-ahˇ gui. Jiˇ naˇ, naˇ haˬ˗eu jeˬ heu deuˬ˗ahˇ shaˇ noeˬ:

1. Pawˇluˆ tiˬ deuˬ na laˆ tsoeˬ laˇ kʼawꞈ, gʼaˬ maˬ baˬ ni nui ma ahˇ˗eu deuˬ˗ahˇ aˬ joˆ˗ehˇ leh jeh˗awˇ caw ba daˆ leꞈ˗euˬ nga?

2. Pawˇluˆ nui ma ahˇ˗eu deuˬ jawˇ gaˇ tiˬ kʼehˬ maˬ taˬ iˇ ngaˇ˗aˬ laˬ? Aˬ yawꞈ teu loꞈ˗ehˇ aˇ myah keuˆ ni jahˇ˗euˬ nga?

Pawˇluˆ˗ahˇ neh aˬ jeˬ ya siˬ˗eu nga?

2. Yaw muiˬ˗ehˇ gʼa kʼoꞈ iˇ nya˗eu gʼaˇ duˬ hawˇ˗eu Jaˇliꞈ mehˬ dahˬ beh nya˗eu gʼaˇ duˬ, aˬ dui˗euˬ aˇ yamˬ hawˇ˗eu gʼaˬ ya shaˇ doˆ˗eu meh.

Pawˇluˆ˗ahˇ dzaw geuꞈ

3. Yawˬ ha dah ngeh maˬ ngeuˇ˗eu aˬ cawˬ dah ngeh iˇ. Heu loꞈ˗ehˇ shaˇ noeˬ haw: ‘Aˬ yawꞈ˗euˬ gʼaˇ duˬ aˬ geu ngeh yamˬ˗ahˇ aˬ geu gaˇ ngehˬ cawˬ naˇ muiˬ dzehˬ nga?’ Aˬ yawꞈ dah˗eu aˇ yamˬ aˬ dui dah˗eu aˇ yamˬ nehˬ˗ehˇ maˬ tsaˬ leˇ kʼawꞈ nui ma keuˆ˗eu laꞈ kʼoeˇ iˇ.

4. Aˬ geu ngeh mawˇ dzoeˇ˗eu lehˇ laˆ duˬ taˬ. Aˬ geu ngeh paˇ gʼa kʼoꞈ laˇ˗eu lehˇ yaw duˬ duˬ lehˇ ehˇ taˬ˗awˇ, ehˇ taˬ˗euˬ aˇ yamˬ˗ahˇ iˇ keuˆ.

5. Nui ma taˬ jiˇ siˬ. Iˇ kahˇ˗ahˇ yaw kʼaˆ˗ehˇ maˬ ya mawˇ nga, paˇ ya mawˇ˗euˬ kʼawꞈ gaˇ˗ahˇ tehꞈ˗ehˇ kaꞈ gʼa˗eu miˇ neh, nui ma ahˇ˗eu tsawˇ haˬ maˬ ngeuˇ nga lehˇ taˬ noeˬ siˬ. (1 Gawˇliˬtu 13:4, 7) Aˬ yawꞈ nehˬ˗ehˇ ngehˬ cawˬ˗eu gʼaˇ duˬ leh jeh daˆ leꞈ. Ehˇ kʼawꞈ aˇ yamˬ˗ahˇ nui gahˇ ahˇ˗eu laꞈ kʼoeˇ zmˬ.—1 Gawˇliˬtu 9:26.