Nui ma gʼawˬ mahˇ ni taˬ

Yeˬsuˇ aˬ jeˬ jahˇ˗euˬ nga?

Biˬdiˬoˬ: Yeˬsuˇ aˬ yawꞈ˗euˬ aˬ nyiˇ˗ahˇ nui ma gʼawˬ mahˇ ni taˬ˗awˇ caw ba nehˬ

1. Biˬdiˬoˬ˗ahˇ haw, maˬ ngeuˇ naˇ Yoˇhaˬ 7:3-5 hawˇ˗eu 1 Gawˇliˬtu 15:3, 4, 7-ahˇ gui. Jiˇ naˇ, naˇ haˬ˗eu jeˬ heu deuˬ˗ahˇ shaˇ noeˬ:

1. Yeˬsuˇ˗euˬ aˬ nyiˇ deuˬ guiˬ lahˬ dawˬ˗ahˇ ya gaˬ beh beh ngeh, aˬ joˆ˗ehˇ gʼeh˗euˬ nga?

2. Yeˬsuˇ aˬ yawꞈ˗euˬ aˬ nyiˇ Yaˬkoˆ˗ahˇ nui ma maˬ jiˇ laˇ˗euˬ lehˇ aˬ joˆ˗ehˇ siˬ laˇ˗eu nga?

Yeˬsuˇ˗ahˇ neh aˬ jeˬ ya siˬ˗eu nga?

2. Tiˬ deuˬ na yaw tsaˬ yaw dawˇ˗ahˇ ha geuꞈ˗eu aˬ cawˬ naˆ maˬ tseˇ myahˇ leˇ˗eu miˇ neh, aˬ dui nui ma ya mahˇ˗eu meh.

Yeˬsuˇ˗ahˇ dzaw geuꞈ

3. Yawˬ jeˬ yawˬ lehˇ jahˇ paˇ haw. Jaˇliꞈ maˬ dzaw˗euˬ siˬ naˇ kʼawꞈ Jaˇliꞈ maˬ dzaw kʼoeˇ dzaw keuˆ ni taˬ ka tiˇ. Jaˇliꞈ aˬ joˆ˗ehˇ dzaw˗awˇ, teu naˇ aˬ joˆ˗ehˇ muiˬ˗eu lehˇ bi siˬ˗eu gʼaˇ duˬ, biˬdiˬoˬ hawˇ˗eu paˇ dmˬ deuˬ zmˬ˗awˇ caw ba nehˬ.

4. Taˬ sheu cehˆ. Tiˬ gʼaˬ tiˇ gʼaˬ maˬ duˇ leˇ˗a. Nymˇ jiˇ laꞈ kʼoeˇ˗euˬ maˬ ngeuˇ naˇ gʼa kʼoꞈ˗iˇ˗eu tiˬ gʼaˬ na, Jaˇliꞈ dzaw˗eu gʼaˇ duˬ hawˇ˗eu Jaˇliꞈ mehˬ˗eu tiˬ jeˬ na˗ahˇ maˬ ha geuꞈ ni nyi naˬ nyi naˬ˗ehˇ jawˇ naˇ, aˬ jeˬ miˇ neh toˆ˗ehˇ pyeuꞈ˗eu nga lehˇ shaˇ noeˬ haw. Aˬ yawꞈ zahˇ oeˇ˗ahˇ aˇ dzehˬ˗ehˇ tawˬ ziꞈ taˬ˗euˬ miˇ neh nga laˬ? Yuiꞈ nyiˇ hawˇ˗eu nymˇ kaˬ taꞈ˗eu deuˬ nyehꞈ suꞈ laˇ˗eu miˇ neh nga laˬ? Aˬ dui aˬ yawꞈ maꞈ˗ahˇ aˬ dui neh ja nehˬ˗euˬ jeˬ˗ahˇ bi shaˇ noeˬ˗eu gʼaˇ duˬ, hawˇ˗eu Jaˇliꞈ mehˬ˗eu jeˬ aˇ naˆ ni aˇ poeˬ baw˗eu lehˇ bi siˬ leˇ˗eu gʼaˇ duˬ, aˇ yamˬ ya biꞈ meh.

5. Nui ma ahˇ˗eu deuˬ˗euˬ gʼaˇ duˬ guiˬ lahˬ shaˇ nehˬ. Aˬ dui yaw muiˬ paw dzeˇ dzaˬ˗ahˇ haw daˆ leꞈ nya˗eu gʼaˇ duˬ, hawˇ˗eu aˬ dui aˬ yawꞈ˗ahˇ aˬ joˆ˗ehˇ caw ba nehˬ nya˗eu lehˇ ya siˬ˗eu gʼaˇ duˬ, caw ba nehˬ laꞈ lehˇ Yeˬhawˇbaˬ˗ahˇ shaˇ˗awˇ, nui ma maˬ ahˇ˗eu deuˬ˗ahˇ gʼa kʼoꞈ˗iˇ˗eu aˬ geu ngeh naˬ paˬ nga lehˇ siˬ nya˗eu gʼaˇ duˬ jiˇ guiˬ lahˬ shaˇ.—1 Gawˇliˬtu 9:26.