Aˬ cawˬ˗euˬ nui ma˗ahˇ noeˬ keuˆ nehˬ

Yeˬsuˇ aˬ jeˬ jahˇ˗euˬ nga?

Biˬdiˬoˬ: Yeˬsuˇ tsawˇ haˬ aˇ maꞈ˗ahˇ gʼawˬ shaˬ haw gaˬ

1. Biˬdiˬoˬ˗ahˇ haw, maˬ ngeuˇ naˇ Maˬkuˆ 6:30-34-ahˇ gui. Jiˇ naˇ, naˇ haˬ˗eu jeˬ heu deuˬ˗ahˇ shaˇ noeˬ:

1. Yeˬsuˇ hawˇ˗eu gʼaˬ kʼehˇ deuˬ aˬ jeˬ miˇ neh “ciˬ cuˇ ni gʼeh˗eu jawˇ duˬ˗ahˇ” iˇ mawꞈ˗eu nga?

2. Yeˬsuˇ tsawˇ haˬ aˇ maꞈ˗ahˇ aˬ jeˬ miˇ neh mehˬ nehˬ˗euˬ nga?

Yeˬsuˇ˗ahˇ neh aˬ jeˬ ya siˬ˗eu nga?

2. Noeˬ keuˆ nehˬ˗eu jeˬ heu naˇ tsaꞈ gaˬ ni tehꞈ˗ehˇ maˬ ngeuˇ˗eu, ngehˬ gʼeh nehˬ ni jiˇ laˆ noeˬ nehˬ laꞈ˗eu meh.

Yeˬsuˇ˗ahˇ dzaw geuꞈ

3. Yaw muiˬ˗ehˇ naˇ haˬ nehˬ. Aˬ yawꞈ˗euˬ nui ma laꞈ kʼoeˇ pyeuꞈ luꞈ˗eu jeˬ ja nehˬ gaˇ maˬ ngehˬ bahˬ leˇ ni bi ja. Aˬ yawꞈ noeˬ˗eu jeˬ aˬ dui nehˬ˗ehˇ maˬ duˇ leˇ kʼawꞈ yaw muiˬ˗ehˇ naˇ haˬ nehˬ. Aˬ yawꞈ ngehˬ gaˇ yaw muiˬ˗ehˇ naˇ haˬ nehˬ˗eu heu naˇ, aˬ yawꞈ˗euˬ nui noeˬ˗ahˇ aˇ yeˇ taˬ huiˬ lehˇ mˇ mawˇ˗eu jeˬ pyeuꞈ meh.

4. Nui ma ahˇ˗eu deuˬ˗euˬ gaˇ kawˆ˗ahˇ shaˇ noeˬ. Aˬ yawꞈ maꞈ nehˬ˗ehˇ ngehˬ cawˬ˗euˬ gaˇ kawˆ˗ahˇ noeˬ mawˇ˗awˇ heu loꞈ˗ehˇ shaˇ noeˬ haw:

1. ‘Aˬ yawꞈ aˬ jeˬ miˇ neh yaw tsaˬ yaw dawˇ˗ahˇ siˬ nya˗eu loˬ nga?’

2. ‘Jaˇliꞈ dzaw˗eu heu naˇ nymˬ˗mˇ aˬ yawꞈ˗euˬ dehꞈ ziˇ hawˇ˗eu mehˬ hu paw˗ahˇ aˬ joˆ˗ehˇ gaˇ dahˇ tsoeˬ˗eu nga?’

5. Aˬ yawꞈ loˬ˗eu jeˬ nehˬ˗ehˇ tsaˬ leˇ˗eu gaˇ kawˆ˗ahˇ ngehˬ. Jaˇliꞈ dzaw˗eu heu naˇ, aˬ yawꞈ siˬ nya mawꞈ˗eu naˇ haˬ˗eu jeˬ˗ahˇ dawˬ kʼoꞈ biꞈ nehˬ nya˗eu uˬ taꞈ, aˬ yawꞈ˗euˬ dehꞈ ziˇ laꞈ kʼoeˇ maˇ diˇ gaˇ dahˇ tsoeˬ˗eu nui noeˬ nui duˇ biꞈ nehˬ nya˗eu lehˇ kʼaˇ gʼeh nya gaˇ neh yaw kawˇ ma˗ehˇ ya bi siˬ nya meh.