Aˬ cawˬ˗ahˇ noeˬ keuˆ

Aˬ cawˬ˗ahˇ noeˬ keuˆ˗eu heu naˇ, aˬ cawˬ geuꞈ mawꞈ˗eu jeˬ hawˇ˗eu aˬ cawˬ˗euˬ nui noeˬ nui ma˗ahˇ gʼoˆ shaw nehˬ gaˇ ehˇ mawꞈ meh. Aˬ dui aˬ cawˬ˗ahˇ noeˬ keuˆ nehˬ naˇ, tsawˇ haˬ deuˬ aˬ dui aˬ yawꞈ maꞈ˗ahˇ maˇ diˇ caw ba mawꞈ ngaˇ lehˇ siˬ leˇ˗eu meh. Aˬ dui Miˬyehˇ gaˇ mˇ ngeh aˬ cawˬ˗ahˇ noeˬ keuˆ naˇ, Yeˬhawˇbaˬ neh tsawˇ haˬ deuˬ˗ahˇ gaˬ˗awˇ ngehˬ gʼeh˗euˬ jeˬ˗ahˇ dzaw geuꞈ luꞈ˗eu jeˬ pyeuꞈ˗awˇ, tsawˇ haˬ deuˬ jiˇ Yeˬhawˇbaˬ˗ahˇ siˬ nya mawꞈ laˇ˗eu meh.—Piˇliˇpiˆ 2:4.

Aˬ cawˬ˗ahˇ noeˬ keuˆ˗eu heu naˇ aˬ dui mehˬ ngeh ya mˇ ya shaˇ˗eu tiˬ jeˬ tehꞈ maˬ ngeuˇ˗a, aˬ cawˬ ngehˬ gaˇ yaw muiˬ˗ehˇ naˇ haˬ˗awˇ, aˬ dui neh ngehˬ˗euˬ jeˬ hawˇ˗eu noeˬ˗eu jeˬ neh maˬ ehˇ, luˆ˗eu laˆ˗eu jeˬ hawˇ˗eu myaˆ pyawˬ paw neh maˬ ehˇ, aˬ cawˬ˗ahˇ noeˬ keuˆ˗eu lehˇ mˇ doˆ leꞈ nya meh. Aˬ dui aˬ cawˬ˗ahˇ noeˬ keuˆ nehˬ˗eu gʼaˇ duˬ, aˬ yawꞈ aˬ jeˬ˗ahˇ ya leˇ˗eu, aˬ jeˬ˗ahˇ jah˗eu, jawˇ duˬ jawˇ zaˇ aˬ joˆ˗ehˇ gʼeh gaˇ jawˇ˗eu lehˇ ya shaˇ noeˬ nehˬ˗eu meh. Aˬ yawꞈ˗ahˇ gaˇ dahˇ tsoeˬ˗eu nui noeˬ nui duˇ biꞈ˗awˇ caw ba nehˬ kʼawꞈ, aˬ yawꞈ˗ahˇ beˬ paˇ lehˇ maˬ ya ka tiˇ˗a. Aˬ yawꞈ caw ba˗eu jeˬ˗ahˇ ha geuꞈ ngeh aˬ dui Miˬyehˇ gaˇ mˇ˗eu laꞈ kʼoeˇ laˬ kʼaˬ cehˇ dzehˬ laˇ˗eu meh.

Zaˬ lahˇ pyeuꞈ laˇ ni mˇ˗eu gaˇ˗ahˇ laˬ kʼaˬ cehˇ—Bym laˇ byehˆ laˇ ni leh jeh—Aˬ cawˬ˗ahˇ noeˬ keuˆ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Jeꞈ jeˬ nahˬ laˇ ga ngeh, Niˇtaˬ aˬ yawꞈ˗ahˇ noeˬ keuˆ˗eu lehˇ aˬ joˆ˗ehˇ mˇ mawˇ nehˬ˗euˬ nga?

• 

  Jeꞈ aˬ yawꞈ maˬ dzaw coeˇ nya lehˇ ehˇ ngeh, Niˇtaˬ aˬ yawꞈ˗ahˇ noeˬ keuˆ˗eu lehˇ aˬ joˆ˗ehˇ mˇ mawˇ nehˬ˗euˬ nga?

• 

  Jeꞈ aˬ yawꞈ yaw luiˆ luiˆ lehˇ gʼeh˗eu tsawˇ haˬ maˬ ngeuˇ lehˇ ehˇ ngeh, Niˇtaˬ aˬ yawꞈ˗ahˇ noeˬ keuˆ˗eu lehˇ aˬ joˆ˗ehˇ mˇ mawˇ nehˬ˗euˬ nga?