“Aˬ myah luꞈ yaw beuˇ beuˇ˗ehˇ jawˇ”

25:1-12

Yeˬsuˇ neh ja˗euˬ aˬ buˇ zaˬ guˬ tseˇ gʼaˬ˗euˬ gaˇ kawˆ, tseˇ doꞈ taˬ˗euˬ Ka li zaˬ deuˬ˗ahˇ ehˇ keuˆ mawꞈ˗eu kʼawꞈ, gaˇ kawˆ heu Ka li zaˬ yawˬ gʼaˬ na luꞈ˗ahˇ taꞈ˗eu meh. (w15-E 3/15 12-16) Teu miˇ neh “tsawˇhaˬ˗euˬ Zaˬmaˇ zaꞈ ka le˗eu aˇ nah aˇ yamˬ naw maꞈ maˬ siˬ duˬ nya˗eu miˇ neh, yaw beuˇ beuˇ˗ehˇ dehꞈ˗awˬ” lehˇ ehˇ dawˬ˗ahˇ aˬ dui ya mˇ cawˬ˗eu meh. (Tehˬ 25:13) Nawˇ Yeˬsuˇ neh ja˗euˬ yaw jeˬ ma jeˬ˗ahˇ dzawˇ nehˬ nya ma loˇ?

• Miˬ zaˬ sheuˬ˗eu gʼaˬ (Aˇ deuˆ 1)—Yeˬsuˇ meh

• Lehˬ hmˬ dah taˬ˗euˬ noeˬ dahˇ doe˗eu aˬ buˇ zaˬ guˬ (Aˇ deuˆ 2)—Saˇ jaˇ ziꞈ˗eu laꞈ kʼoeˇ lehˬ hmˬ deuˇ˗awˇ gaˇ mˇ luꞈ˗eu tseˇ doꞈ taˬ˗euˬ Ka li zaˬ deuˬ pyeuꞈ˗eu meh. Aˬ yawꞈ maꞈ aˇ saˬ saˬ ngeh keuˆ ni aˬ guiˇ loꞈ˗ehˇ yaw shehꞈ bya˗eu meh (Piˆ 2:15)

• “Miˬ zaˬ sheuˬ le˗eu gʼaˬ oe keuˆ˗euˬ meh” lehˇ guˇ˗eu teˇ saˇ (Aˇ deuˆ 6)—Yeˬsuˇ yaꞈ le˗euˬ lehˇ bi siˬ˗eu jeˬ

• Laiꞈ˗eu aˬ buˇ zaˬ guˬ deuˬ (Aˇ deuˆ 8)—Miˬ zaˬ sheu le gʼaˬ˗ahˇ ha iˇ˗euˬ tseˇ doꞈ taˬ˗euˬ Ka li zaˬ deuˬ pyeuꞈ meh. Ehˇ kʼawꞈ, aˬ yawꞈ maꞈ yaw beuˇ beuˇ˗ehˇ maˬ jawˇ˗eu uˬ taꞈ, saˇ jaˇ jiˇ maˬ ziꞈ˗aˬ

• Noeˬ dahˇ doe˗eu aˬ buˇ zaˬ guˬ tsiˇ maˬ biˇ paˆ nehˬ˗eu (Aˇ deuˆ 9)—Jmˬ diˬ˗eu aˇ saˬ saˬ˗euˬ taꞈ naˇ, saˇ jaˇ ziꞈ˗eu tseˇ doꞈ taˬ˗euˬ Ka li zaˬ deuˬ, saˇ jaˇ maˬ ziꞈ˗eu tseˇ doꞈ taˬ˗euˬ Ka li zaˬ deuˬ˗ahˇ caw ba˗eu jeˬ nah gaˬ iˇ

• “Miˬ zaˬ sheuˬ le˗eu gʼaˬ oe keuˆ” (Aˇ deuˆ 10)—Huiˬ dui dui˗eu shaˬ zahˬ jiˇ leˇ ngeh, Yeˬsuˇ yaˇ kʼaˬ daˇ˗eu gaˇ kawˆ tsaꞈ gaˬ le

• Lehˬ hmˬ dah taˬ˗euˬ aˬ buˇ zaˬ guˬ, miˬ zaˬ sheuˬ le˗eu gʼaˬ nehˬ˗ehˇ oeˇ mˇ baˇ gaˇ uˇ leˇ gʼaˬ ngeh laˇ gʼoˆ piˬ tehˬ (Aˇ deuˆ 10)—Yeˬsuˇ, saˇ jaˇ ziꞈ˗eu tseˇ doˆ taˬ˗euˬ Ka li zaˬ deuˬ˗ahˇ laˆ ui˗awˇ, mˬ kʼoeˇ taˆ bi le˗eu kʼawꞈ, saˇ jaˇ maˬ ziꞈ˗eu tseˇ doˆ taˬ˗euˬ deuˬ˗ahˇ maˬ bi le˗a