Yeˬhawˇbaˬ˗euˬ gʼaˇ duˬ nui ma keuˆ˗eu laꞈ kʼoeˇ damˬ˗eu

Aˬ dui ‘Yeˬhawˇbaˬ˗euˬ gʼaˇ duˬ nui ma keuˆ˗eu laꞈ kʼoeˇ aˬ joˆ˗ehˇ damˬ’ nya˗eu nga? (1Laˬ 29:5, 9, 14) Laꞈ oˆ jaˆ˗eu gaˇ kawˆ heu deuˬ naˇ, Yeˬhawˇbaˬ˗euˬ Saˇ kiˇ deuˬ˗euˬ miˇ kʼahˬ doe ni˗euˬ gaˇ˗ahˇ maˬ ehˇ, yawˬ ha jawˇ kʼahˬ˗ahˇ˗euˬ gaˇ˗ahˇ maˬ ehˇ, gʼaˬ biꞈ˗eu gʼaˇ duˬ nui ma keuˆ˗eu laꞈ kʼoeˇ damˬ nehˬ nya˗eu gaˇ kawˆ pyeuꞈ meh.

Awˆlai paw neh damˬ˗eu pyuˇ hawˇ˗eu pyuˇ damˬ bawˬ keuˆ˗ahˇ dawˆ˗eu pyuˇ, laꞈ oˆ jaˆ˗eu gaˇ heu deuˬ˗ahˇ gʼaˬ biꞈ:

• 

  Miˇ kʼahˬ doe ni˗euˬ gaˇ˗ahˇ zmˬ˗eu

  beˬdeˬlaˇ hawˇ˗eu jawˇ kʼahˬ dawˬ yuˇ paˇ duˬ tsoˆ gaˇ hawˇ˗eu laˆ saˆ gaˇ zmˬ

  aˇ maꞈ aˇ muˇ neh jahˇ doˆ˗euˬ dzaw nymˇ deuˬ˗ahˇ zmˬ

  nui deuˬ loꞈ˗ehˇ maˬ duˇ ni Miˬyehˇ gaˇ aˇ yamˬ tiˬ byah mˇ˗eu deuˬ˗ahˇ caw ba

  uˬ jeˬ jaˬ lehˇ˗euˬ shaˬ zahˬ˗ahˇ caw ba

  sahˬ boꞈ paˇ dmˬ jahˇ˗eu, biˬdiˬoˬ hawˇ˗eu diˇjiˬtawꞈ paw boꞈ doˆ jahˇ doˆ gaˇ zmˬ

• 

  Aˇ muˇ laꞈ kʼoeˇ gaˇ˗ahˇ zmˬ˗eu

  Bawˬdzaˬnymˇ laˆ saˆ˗eu poeˬ, miˬ dzaˬ hawˇ˗eu iˇ cuꞈ poeˬ

  Beˬdeˬlaˇ˗ahˇ sha˗eu lehˇ aˇ muˇ laꞈ kʼoeˇ daˇ tsehˆ˗euˬ pyuˇ damˬ:

  • miˇ kʼahˬ doe ni aˇ muˇ˗euˬ Bawˬdzaˬnymˇ hawˇ˗eu huiˬ˗eu Bawˬdzaˬnymˇ tsoˆ gaˇ zmˬ

  • miˇ kʼahˬ doe ni˗euˬ gaˇ nui deuˬ˗ahˇ caw ba

  • aˇ maꞈ aˇ muˇ˗euˬ gaˇ nui deuˬ˗ahˇ zmˬ

Tiˬ nah mehˬ bawˬ hawˇ˗eu Smˬ nah mehˬ bawˬ

Smˬ nah mehˬ bawˬ˗ahˇ za˗euˬ pyuˇ damˬ deuˬ, miˇ kʼahˬ doe ni˗euˬ pyuˇ damˬ nehˬ˗ehˇ laˆ uiˬ iˇ˗eu meh. Teu miˇ neh, smˬ nah mehˬ bawˬ hawˇ˗eu miˇ kʼahˬ˗euˬ huiˬ˗eu smˬ nah mehˬ bawˬ˗ahˇ jiˇ leˇ˗eu pyuˇ deuˬ, miˇ kʼahˬ doe ni˗euˬ pyuˇ damˬ˗ahˇ zmˬ˗eu meh.

Tiˬ nah mehˬ bawˬ˗ahˇ za˗euˬ pyuˇ damˬ deuˬ naˇ, huiˬ˗eu Bawˬdzaˬnymˇ˗ahˇ ngaˬ ngeh maˬ ehˇ, zmˬ ngeh maˬ ehˇ, laˆ saˆ ngeh maˬ ehˇ zmˬ˗eu meh. Kʼoeˇ naˇ, tiˬ nah mehˬ bawˬ nehˬ˗ehˇ taꞈ˗eu gaˇ nui deuˬ˗ahˇ zmˬ˗awˇ, tiˬ paˆ na deuˬ miˇ kʼahˬ doe ni˗euˬ pyuˇ damˬ nehˬ˗ehˇ jiˇ laˆ uiˬ meh.