Ka li zaˬ˗euˬ dehꞈ ziˇ
‘Pyuˇ jeˬ hmˬ taˬ˗awˬ’
Aˬ dui pyuˇ daˬ dawˆ˗eu aˬ kawˬ˗aˬ˗ahˇ bi smˇ iˇ paˬ˗ehˇ maˬ gʼeh˗a. Gʼaˬ kʼehˇ Pawˇluˆ neh ehˇ˗euˬ loꞈ˗ehˇ aˬ dui aˬ myah luꞈ ‘pyuˇ jeˬ hmˬ taˬ’ paˬ˗ehˇ gʼeh˗eu meh. (1 Gawˇliˬtu 16:2) Aˬ dui nui noeˬ nui duˇ heu˗ahˇ mˇ caw˗eu heu naˇ, aˬ dui˗ahˇ muiˬ˗eu shawˇ˗eu uˬ duˬ tahˬ˗eu jeˬ˗ahˇ gʼaˬ biꞈ nya˗awˇ laˬ kʼaˬ cehˇ nya˗eu meh. Aˬ dui neh damˬ˗eu pyuˇ heu ui cuiˆ tehꞈ nya lehˇ noeˬ kʼawꞈ, Yeˬhawˇbaˬ aˬ dui neh kʼaˇ gʼeh nya gaˇ neh leh jeh˗awˇ aˬ yawꞈ˗ahˇ ciˬ huiˬ ciˬ mahˇ˗eu gʼaˇ duˬ, aˬ dui neh mˇ˗eu jeˬ˗ahˇ aˇ poeˬ taˬ baw˗eu meh.—Dawˬdaˬ 3:9.
Pyuˇ jeˬ hmˬ taˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Jeˬhu neh pyuˇ daˬ dawˆ˗eu gʼaˇ duˬ shaˇ noeˬ taˬ˗euˬ heu naˇ aˬ jeˬ jeˇ gaˇ dahˇ tsoeˬ˗eu nga?
Tiˬ gʼaˬ na ‘pyuˇ jeˬ hmˬ taˬ’˗eu gʼaˇ duˬ aˬ joˆ˗ehˇ jahˇ˗eu nga?