Naw maꞈ˗euˬ nui gaˬ baˬ da neh, Yeˬhawˇbaˬ˗ahˇ guiˬ lahˬ huiˬ ma

Teˇsaˬloˇni aˇ muˇ˗ahˇ jawˇ˗eu mehˇ nmˇ deuˬ, shaˬ˗eu zahˬ˗eu jeˬ˗ahˇ ya tahˬ puˬ kʼawꞈ, tiˬ gʼaˬ tiˇ gʼaˬ gaˬ˗eu lehˇ mˇ doˆ laꞈ˗euˬ meh. (2 Teˇsaˬloˇni 1:3, 4) Nymˬ˗mˇ iˬ nah miˇ kʼahˬ doe ni jawˇ˗eu Yeˬhawˇbaˬ˗euˬ tsawˇ haˬ deuˬ jiˇ teu loꞈ˗ehˇ duˇ˗eu meh. jw.org gʼoeˇsaiˇ laꞈ kʼoeˇ “Nawˬ neh dawˆ˗euˬ pyuˇ damˬ˗ahˇ aˬ joˆ˗ehˇ zmˬ˗eu nga?” lehˇ ehˇ˗eu jaˆ tawˆ˗eu gaˇ kawˆ heu naˇ, nymˬ˗mˇ shaˬ luꞈ zahˬ luꞈ˗eu mehˇ nmˇ deuˬ˗ahˇ caw ba˗eu gʼaˇ duˬ, nawˬ neh damˬ˗euˬ pyuˇ˗ahˇ aˬ joˆ˗ehˇ zmˬ luꞈ˗eu lehˇ ehˇ nehˬ taˬ˗euˬ meh. Nawˇ nui ma keuˆ˗eu laꞈ kʼoeˇ tsawˇ tsiˇ maˬ tsiˇ ni damˬ nehˬ laꞈ˗euˬ miˇ neh, guiˬ lahˬ huiˬ dui dui miˇ˗a.

‘Naw maꞈ gʼaˇ duˬ Miˬyehˇ˗euˬ guiˬ lahˬ˗ahˇ nga maꞈ ja ceuˬ˗eu ma’ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Aˬ dui neh damˬ˗euˬ pyuˇ deuˬ, aˬ gaˇ zmˬ iˇ˗eu nga?

• Pyuˇ paw shaˬ˗eu mehˇ nmˇ deuˬ˗ahˇ caw ba˗eu gʼaˇ duˬ, muiˬ dzehˬ˗eu jeˬ naˇ aˬ jeˬ nga?—jw.org gʼoeˇsaiˇ laꞈ kʼoeˇ “Jaˆ dzehˬ˗eu deuˬ, loˬ˗eu deuˬ˗ahˇ caw ba” lehˇ ehˇ˗eu gaˇ kawˆ˗ahˇ jiˇ haw.