Nui ma gʼawˬ mahˇ ni taˬ˗awˇ loꞈ

Nawˇ Miˬyehˇ Miˇkʼahˬ˗ahˇ dawˬ luꞈ˗eu aˇ myaˆ kʼoꞈ byah laˇ maˬ? Nawˇ shaˬ zahˬ˗ahˇ ya tahˬ puˬ kʼawꞈ, nui ma gʼawˬ mahˇ ni taˬ˗awˇ dawˬ luꞈ ma loˇ? (Maˆ 8:25) Mehˇ nmˇ tiˬ deuˬ na bye˗eu jeˬ, kʼehˬ˗eu kʼaˆ˗eu jeˬ, tawˬ˗ahˇ bi ngehꞈ uˇ˗eu jeˬ, maˬ ngeuˇ naˇ sehꞈ de lehˇ lmˬ laˇ gaˇ keuˆ ni ya daˬ luꞈ˗eu meh. Tiˬ deuˬ na naˇ, maˬ taˬ leˇ ni naˇ˗eu miˇ neh maˬ ehˇ, aˇ kʼoꞈ kʼawˆ laˇ˗euˬ miˇ neh maˬ ehˇ, shaˬ zahˬ deuˬ˗ahˇ daˬ luꞈ˗eu meh.

Aˬ dui aˬ joˆ˗ehˇ gʼeh˗eu shaˬ zahˬ˗ahˇ ya tahꞈ puˬ kʼawꞈ, mehˬ hu paw haw tsoˆ taˬ˗awˇ loꞈ nya ni aˬ dui˗ahˇ caw ba nehˬ˗eu aˬ jeˬ nga? Aˬ dui nui jah˗ahˇ bi ziꞈ laˇ˗eu gʼaˇ duˬ, yawˬ nah na luꞈ Jaˇliꞈ gui˗awˇ, ya shaˇ noeˬ shaˇ sawˇ˗eu uˬ taꞈ, noeˬ tmˬ˗eu jeˬ˗ahˇ ya haw tsoˆ taˬ˗eu meh. (2 Gawˇ 4:16-18; Heˬ 12:2) Aˬ dui guiˬ lahˬ shaˇ˗eu laꞈ kʼoeˇ muiˬ˗eu shawˇ˗eu yaw sahˇ biꞈ nehˬ laꞈ lehˇ Yeˬhawˇbaˬ˗ahˇ tahˬ shaˇ. (Luˇ 11:10, 13; Heˬ 5:7) Aˬ dui gaˬ˗eu Aˬda aˬ dui˗ahˇ laˬ kʼaˬ tiˬ cehˇ “nui ma gʼawˬ mahˇ ni taˬ˗awˇ daˬ coeˇ ni” caw ba nehˬ laꞈ˗eu meh.—Sehˇ 1:11.

Aˬ dui “nui ma ziꞈ dah ni cehˆ gʼeh”—Laꞈ sawˬ za ni cehˆ lehˇ ehˇ˗eu biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• 

  Aˬ dui ‘maˬ noeˬ miˇ˗ahˇ aˬ dui kʼoeˇ taˆ aˬ jeˬ yaw doeˇ jeˬ keuˆ le nya˗eu’ nga? (Tsoˆ 9:11)

• 

  Shaˬ zahˬ˗ahˇ ya tahˬ ngeh, guiˬ lahˬ shaˇ˗eu heu naˇ aˬ dui˗ahˇ aˬ joˆ˗ehˇ caw ba nehˬ˗eu nga?

• 

  Aˬ dui gaˇ hu loꞈ˗ehˇ Miˬyehˇ˗euˬ gaˇ maˬ paˇ mˇ nya naˇ, aˬ jeˬ miˇ neh nymˬ˗mˇ mˇ nya˗eu jeˬ˗ahˇ ya shaˇ noeˬ˗eu nga?

• 

  Aˬ dui laꞈ sawˬ za nya˗eu lehˇ aˬ duiˬ˗ahˇ bi jah ziꞈ˗eu aˬ jeˬ nga?