Yaw jeˬ ma jeˬ sahˬ boꞈ

• Yawˬ ha˗euˬ jawˇ duˬ zmˬ. Ehˇ kʼawꞈ, nawˇ kʼahˬ lahˇ naˇ, sheuˬ gʼeh˗eu deuˬ˗ahˇ naˇ haˬ˗awˇ aˇ muˇ˗euˬ jawˇ duˬ zmˬ nya meh. Ehˇ kʼawꞈ, beˬdeˬlaˇ˗euˬ jawˇ duˬ maˬ ya zmˬ˗a.

• Nawˇ nymˇ sahˇ gʼaˬ˗euˬ tsawˇ myahˇ siˬ nya naˇ, aˬ yawꞈ˗euˬ tsawˇ myahˇ˗ahˇ zmˬ. Heu naˇ, myawˬ ahˬ˗eu sahˬ boꞈ maˬ ngeuˇ nga lehˇ gʼoˆ shaw leˇ ni caw ba nehˬ˗eu meh.

• Sahˬ boꞈ aˇ mawˇ hawˇ˗eu teˇ nahˬ teˇ gʼahˇ maˬ ehˇ, dawˬ yuˇ taˬ duˬ maˬ ehˇ, sahˬ boꞈ sahˬ myaˆ maˬ ehˇ, tsaˬ ngaˇ laˬ lehˇ haw. Sahˬ boꞈ teu yaw muiˬ yaw buˇ buˇ˗ehˇ ya gʼeh˗awˇ, aˬ laꞈ neh boꞈ naˇ kʼawꞈ, yaw awˬ awˬ lehˇ gui doˆ nya paˬ˗ehˇ ya boꞈ˗eu meh. Aˇ dzehˬ˗ehˇ gʼoeˇ dzeuˇ˗eu dawˬ maˬ ehˇ, aˇ dzehˇ˗ehˇ yaw zeu baw˗eu dawˬ maˬ ehˇ, taˬ boꞈ.

Sahˬ boꞈ heu taꞈ naˇ, nui noeˬ nui duˇ biꞈ taˬ˗euˬ loꞈ˗ehˇ boꞈ˗euˬ sahˬ boꞈ yaw jeˬ ma jeˬ pyeuꞈ meh. Ehˇ kʼawꞈ, aˬ dui yawˬ ha jawˇ kʼahˬ˗ahˇ jawˇ˗eu deuˬ˗ahˇ sahˬ boꞈ boꞈ˗awˇ tsaꞈ gaˬ ngeh, heu gaˇ kʼaˇ boꞈ taˬ˗euˬ loꞈ˗ehˇ boꞈ caw˗eu maˬ loˬ˗a. Sahˬ boꞈ teu aˬ jeˬ˗euˬ gʼaˇ duˬ boꞈ˗eu lehˇ laˆ paˇ nya˗awˇ, yawˬ ha jawˇ kʼahˬ˗ahˇ tsaˬ leˇ ni jiˇ laˆ paˇ nya˗eu meh.