Yawˬ haˇ yawˬ ha Jaˇliꞈ pyehˆ tseˇ gaˇ neh, gaˇ dahˇ tsoeˬ˗eu jeˬ bi za dzehˬ laˇ

Aˬ jeˬ miˇ neh aˇ yeˇ huiˬ˗eu nga?: Miˬyehˇ˗euˬ dawˬ kawˬ˗ahˇ yawˬ haˇ yawˬ ha pyehˆ tseˇ˗eu heu naˇ, aˬ dui˗ahˇ yaw tsaˬ yaw dawˇ “aˇ naˆ ni huiˬ, aˇ naˆ ni mahˇ˗awˇ, aˇ naˆ ni naꞈ, aˇ naˆ ni goˇ˗eu gaˇ kawˆ”˗ahˇ bi gʼoˆ shaw laˇ˗eu meh. (Eˇpeˇsu 3:18) Kʼoeˇ naˇ aˬ dui haiˬ˗eu miˇ tsaˬ˗ahˇ jawˇ luꞈ kʼawꞈ, ehˇ kʼaˇ maˬ za ni dehꞈ nya ni caw ba nehˬ˗awˇ, “dehꞈ˗eu jeˬ biꞈ˗eu dawˬ˗ahˇ ziꞈ dah ni nyehꞈ tehˬ taˬ” nya ni jiˇ caw ba nehˬ˗eu meh. (Piˇliˇpiˆ 2:15, 16, Yaw shawˇ Yehˇ boꞈ 2018) Aˬ dui yawˬ haˇ yawˬ ha Jaˇliꞈ pyehˆ tseˇ ngeh, yawˬ ha nehˬ˗ehˇ tsaˬ leˇ˗eu gaˇ kawˆ tseˇ nya meh. Aˬ dui Jaˇliꞈ gui˗awˇ pyehˆ tseˇ˗eu aˇ yamˬ heu, gaˇ dahˇ tsoeˬ ni aˬ joˆ˗ehˇ zmˬ nya˗eu nga?

Jahˇ paˬ˗ehˇ gʼeh˗eu jeˬ:

• Aˬ dui yawˬ haˇ yawˬ ha pyehˆ tseˇ˗eu Jaˇliꞈ˗ahˇ maˬ ehˇ, naˬ gaˬ hawˇ˗eu tehˇbeˬ˗leꞈ laꞈ kʼoeˇ˗euˬ dmˬ˗ahˇ maˬ ehˇ, Jaˇliꞈ aˇ deuˆ˗ahˇ kawˆ taˬ, maˬ ngeuˇ naˇ sahˬ boꞈ boꞈ ahˇ taˬ

• Jaˇliꞈ gui ngeh yawˬ ha˗ahˇ heu loꞈ˗ehˇ naˇ haˬ, ‘Aˬ suˇ gʼaˬ? Aˬ jeˬ? Aˇ myah? Aˬ gaˇ? Aˬ jeˬ miˇ neh? Aˬ joˆ˗ehˇ?’

• Poˆ tseˇ˗eu keu ka neh gaˇ kawˆ deuˬ poˆ lahˬ. Gaˇ kawˆ uˬ dzah neh maˬ ehˇ, Jaˇliꞈ aˇ deuˆ neh maˬ ehˇ, poˆ nya meh

• Aˬ dui neh ya gui˗eu jeˬ˗ahˇ aˬ joˆ˗ehˇ zmˬ iˇ nya˗eu nga lehˇ shaˇ noeˬ shaˇ sawˇ

• Za siˬ˗euˬ jeˬ yawˬ nah na luꞈ zmˬ˗iˇ.—Luˇkaꞈ 6:47, 48

Yawˬ haˇ yawˬ ha Jaˇliꞈ yaw kʼaˆ˗ehˇ pyehˆ tseˇ˗eu heu neh, “ziꞈ dah ni nyehꞈ tehˬ taˬ” lehˇ ehˇ˗eu biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Yawˬ haˇ yawˬ ha Jaˇliꞈ pyehˆ tseˇ˗eu gaˇ kawˆ nehˬ˗ehˇ taꞈ leˇ˗awˇ tiˬ gʼaˬ na aˬ jeˬ lehˇ ehˇ˗eu nga?

• Aˬ dui yawˬ haˇ yawˬ ha Jaˇliꞈ pyehˆ tseˇ˗eu lehˇ gʼeh ngeh, aˬ jeˬ miˇ neh guiˬ lahˬ jeˬ hu ya shaˇ˗eu nga?

• Aˬ dui˗ahˇ Jaˇliꞈ gaˇ kawˆ˗ahˇ heu naˆ maˬ tseˇ gʼoˆ shaw laˇ ni caw ba nehˬ˗eu aˬ jeˬ nga?

• Aˬ dui Jaˇliꞈ pyehˆ tseˇ ngeh, aˬ joˆ˗ehˇ kawˆ taˬ nya˗eu nga?

• Aˬ dui Miˬyehˇ˗euˬ dawˬ kawˬ˗ahˇ gui ngeh, shaˇ noeˬ shaˇ sawˇ˗eu heu naˇ, aˬ jeˬ miˇ neh aˇ yeˇ huiˬ˗eu nga?

• Aˬ dui yawˬ ha neh ya siˬ˗euˬ jeˬ˗ahˇ aˬ joˆ˗ehˇ ya jahˇ˗eu nga?