Aˇ yeˇ huiˬ˗eu tsahˇ˗ahˇ bi mawˇ˗eu gʼaˇ duˬ, yaw jeˬ ma jeˬ zmˬ

Aˬ dui gʼa kʼoꞈ˗iˇ ngeh maˬ ehˇ, Jaˇliꞈ mehˬ ngeh maˬ ehˇ, yaw jeˬ ma jeˬ zmˬ˗awˇ naˇ haˬ luꞈ˗eu deuˬ˗ahˇ aˇ yeˇ huiˬ˗eu tsahˇ ya bi mawˇ leˇ˗eu meh. Heu loꞈ˗ehˇ jahˇ naˇ aˬ yawꞈ maꞈ˗ahˇ siˬ nya mawꞈ dzehˬ laˇ ni laˆ noeˬ nehˬ˗awˇ, aˇ yeˇ huiˬ˗eu tsahˇ˗ahˇ yaw awˬ˗ehˇ noeˬ taˬ nya ni jiˇ caw ba nehˬ˗eu meh.

Aˬ dui gʼa kʼoꞈ˗iˇ˗eu gʼaˇ duˬ maˬ ehˇ, Jaˇliꞈ mehˬ˗eu gʼaˇ duˬ maˬ ehˇ, lehˬ hmˬ ngeh, aˬ dui ngehˬ keuˆ mawꞈ˗eu aˇ yeˇ huiˬ˗eu tsahˇ˗ahˇ tehꞈ˗ehˇ tseˇ˗awˇ, aˬ yawꞈ maꞈ siˬ nya luꞈ˗eu yaw jeˬ ma jeˬ˗ahˇ ya tseˇ˗eu meh. (Maꞈtehˬ 5:14-16; Maˬkuˆ 2:21; Luˇkaꞈ 14:7-11) Aˬ yawꞈ maꞈ neh dehꞈ yaꞈ˗eu jeˬ hawˇ˗eu mˇ jeˬ shaˇ kawˆ˗ahˇ jiˇ ya noeˬ keuˆ nehˬ˗eu meh. (Luˇkaꞈ 5:2-11; Yoˇhaˬ 4:7-15) Aˬ dui naˇ haˬ luꞈ˗eu deuˬ gaˇ kawˆ teu˗ahˇ gʼoˆ shaw˗awˇ laˬ kʼaˬ cehˇ gaˇ ya mawˇ ngeh, aˬ dui jiˇ laˬ kʼaˬ cehˇ˗eu meh.

Zaˬ lahˇ pyeuꞈ laˇ ni mˇ˗eu gaˇ˗ahˇ laˬ kʼaˬ cehˇ—Bym laˇ byehˆ laˇ ni leh jeh—Aˇ yeˇ huiˬ˗eu tsahˇ˗ahˇ bi mawˇ˗eu gʼaˇ duˬ, yaw jeˬ ma jeˬ zmˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Aˬ dui dzaw zaˬ deuˬ˗ahˇ Jaˇliꞈ aˇ deuˆ˗ahˇ gʼoˆ shaw leˇ ni aˬ jeˬ miˇ neh ya caw ba˗eu nga?

• 

  Niˇtaˬ Loˇmaˆ 5:12-ahˇ dzawˇ nehˬ˗eu gʼaˇ duˬ, aˬ jeˬ˗euˬ yaw jeˬ ma jeˬ zmˬ˗euˬ nga?

• 

  Yaw jeˬ ma jeˬ yaw muiˬ˗ehˇ tseˇ˗awˇ zmˬ˗eu heu naˇ, gaˇ dahˇ aˬ joˆ˗ehˇ tsoeˬ˗eu nga?

• Aˬ dui Miˬyehˇ gaˇ mˇ ngeh aˬ jeˬ miˇ neh biˬdiˬoˬ hawˇ˗eu Yeˬhawˇbaˬ˗euˬ aˇ maꞈ aˇ muˇ neh lehˬ hmˬ nehˬ laꞈ˗euˬ keu ka nui deuˬ˗ahˇ zmˬ paˬ˗ehˇ gʼeh˗eu nga?