Muiˬ dzehˬ˗eu miˇ kʼahˬ keuˆ le shaw˗iˬ meh lehˇ laˬ kʼaˬ cehˇ˗eu guiˬ lahˬ dawˬ tsaꞈ gaˬ

Tseˇ tiꞈ siˬ ba la˗ahˇ aˬ dui kʼaˇ gʼeh nya gaˇ neh, muiˬ dzehˬ˗eu miˇ kʼahˬ keuˆ le shaw˗iˬ meh lehˇ laˬ kʼaˬ cehˇ˗eu guiˬ lahˬ dawˬ tsaꞈ gaˬ˗eu ma. (Ja ceuˬ 37:10, 11; Pah mehˬ˗eu 21:3-5) Aˬ myah myah˗ahˇ maˬ duˇ leˇ˗eu tsaꞈ gaˬ˗eu jeˬ heu˗ahˇ leh jeh˗awˇ gʼaˬ biꞈ˗eu gʼaˇ duˬ, Tseˇ tiꞈ siˬ ba la˗ahˇ aˬ dui tiˬ poˆ na huˬ mehˬ mehˬ˗eu gʼaˬ geuꞈ nya˗awˇ, naˬ liˬ 30 laꞈ maˬ ngeuˇ naˇ 50 laꞈ mˇ˗eu laˬ lehˇ tseˇ nya meh.

Miˇ shuiꞈ nehˬ˗ehˇ taꞈ˗eu Jaˇliꞈ aˇ deuˆ tsawˇ haˬ deuˬ˗ahˇ kʼaˇ gʼeh nya gaˇ neh ehˇ nehˬ˗eu gʼaˇ duˬ, Jaˇliꞈ aˇ deuˆ lehˬ hmˬ taˬ. Jaˇliꞈ aˇ deuˆ tseˇ ngeh tsaꞈ gaˬ duˬ˗ahˇ jawˇ˗eu tsawˇ haˬ deuˬ nehˬ˗ehˇ tsaˬ leˇ ngaˇ laˬ lehˇ haw. Mawˇ dahˬ beh ngeh neh nui ma ahˇ naˇ, aˬ yawꞈ maꞈ˗ahˇ 2021 kʼoꞈ˗euˬ Loꞈ˗eu nymˇgoˇ Nyiˬ dmˬ aˬ yawꞈ dmˬ biꞈ nehˬ nya meh. Kʼoeˇ naˇ kʼaˇ gʼeh nya gaˇ neh gʼa kʼoꞈ iˇ˗awˇ, Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu boˬloˬshaˬ zmˬ˗awˇ, Jaˇliꞈ mehˬ dahˬ beh nya meh. Aˬ dui muiˬ dzehˬ˗eu “laˬ kʼaˬ cehˇ˗eu guiˬ lahˬ dawˬ” ya ehˇ nehˬ˗eu miˇ neh, laˬ kʼaˬ cehˇ˗eu yaw duˬ baw meh.—Iˇsaˬyaˇ 52:7.

Miˇ shuiꞈ keuˆ le luꞈ lehˇ ehˇ˗eu dawˬ caˇ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Aˬ buˇ zaˬ tiˬ gʼaˬ mehˬ hu paw muiˬ˗eu aˬ jeˬ˗ahˇ noeˬ tmˬ luꞈ nga?

• Nawˇ miˇ shuiꞈ˗ahˇ aˬ jeˬ mawˇ mawꞈ˗awˇ, aˬ jeˬ mˇ mawꞈ nya?

• Noeˬ tmˬ˗eu jeˬ heu˗ahˇ shaˇ noeˬ˗eu heu naˇ, Tseˇ tiꞈ siˬ ba la˗ahˇ aˬ myah myah˗ahˇ maˬ duˇ˗eu tsaꞈ gaˬ˗eu jeˬ˗ahˇ, mˇ mawꞈ ni aˬ joˆ˗ehˇ laˆ noeˬ nehˬ˗eu nga?—Luˇkaꞈ 6:45