Miˬyehˇ Miˇkʼahˬ gaˇ kawˆ tsaꞈ gaˬ˗eu gʼaˇ duˬ, gʼoeˬ siˬ ba la˗ahˇ aˬ myah myah˗ahˇ maˬ duˇ˗eu tsaꞈ gaˬ˗eu jeˬ

G’oeˬ siˬ ba la-ahˇ aˬ dui tsawˇ haˬ zaˬ deuˬ-euˬ shaˬ zahˬ yawˬ jeˬ na luꞈ-ahˇ Miˬyehˇ-euˬ Miˇk’ahˬ maˬ ngeuˇ naˇ maˬ laˆ byoˆ nehˬ nya˗a lehˇ tsawˇ haˬ deuˬ˗ahˇ tsaꞈ gaˬ-eu g’aˇ duˬ leh jeh dui dui˗eu ma. (Maꞈtehˬ 24:14) Nawˇ gaˇ heu mˇ gaˇ, g’aˬ aˬ joˆ˗ehˇ biꞈ nya˗eu nga? Heu siˬ laꞈ k’oeˇ aˬ dui tsaꞈ gaˬ ngeh tsawˇ haˬ deuˬ˗ahˇ Miˬyehˇ Miˇkʼahˬ nehˬ˗ehˇ taꞈ˗eu Jaˇliꞈ aˇ deuˆ deuˬ kʼaˇ gʼeh nya gaˇ neh gui nehˬ. Nui ma ahˇ˗eu deuˬ˗ahˇ ya mawˇ naˇ, 2020 k’oꞈ˗euˬ Loꞈ-eu nymˇ goˇ nyiˬ dmˬ aˬ yawꞈ dmˬ biꞈ nehˬ-awˇ, kawˇ ma-ehˇ g’a kʼoꞈ˗iˇ. Kʼoeˇ naˇ Aˬ dui mˬ maˬ maˬ byaˆ zaˇ ziˇ laˬ k’aˬ cehˇ nya lehˇ ehˇ˗eu boˬloˬshaˬ zmˬ-awˇ, Jaˇliꞈ mehˬ dahˬ beh˗eu g’aˇ duˬ leh jeh. Nawˇ g’oeˬ siˬ ba la˗ahˇ tiˬ poˆ na huˬ mehˬ mehˬ-eu g’aˬ geuꞈ-eu gʼaˇ duˬ, naˬ liˬ 15 laꞈ maˬ ngeuˇ naˇ 30 laꞈ lehˇ tseˇ nya-eu meh.

Gʼawˬ myahˇ maˬ gʼeh˗ehˇ Miˬyehˇ Miˇkʼahˬ˗ahˇ laˆ tsoeˬ˗eu sahˬ paˬ sahˬ ma deuˬ˗ahˇ laˆ cawˆ jiˇ˗eu meh. (Daˬyeˬlaˇ 2:44; 1 Gawˇliˬtu 15:24, 25) Teu miˇ neh aˬ dui Yeˬhawˇbaˬ hawˇ˗eu aˬ yawꞈ˗euˬ Miˇkʼahˬ˗ahˇ saˇ jaˇ ziꞈ˗awˇ gʼaˬ biꞈ˗eu lehˇ aˇ yamˬ heu poˆ˗ahˇ zmˬ˗awˇ mˇ mawˇ luꞈ˗uˇ.