Shaˬ zahˬ dawˬ tawˆ luꞈ byoˆ iˇ˗eu aˇ nah baw meh

Shaˬ˗eu zahˬ˗eu jeˬ aˬ dui˗ahˇ gʼaˬ bi baˬ laˇ nya˗eu meh. Shaˬ zahˬ teu tiˬ jawˇ˗iˬ maˬ jiˇ ngeh ngehˬ˗ehˇ dzehˬ meh. Daˬbiˇ Sawˇluˆ hawˇ˗eu aˬ yawꞈ nyaꞈ yaw kaˬ jaˆ˗eu gaˇ kawˆ teu tiˬ nah jiˇ leˇ meh lehˇ siˬ nya˗awˇ, Yeˬhawˇbaˬ neh saˇ jaˇ dzaˬ taˬ˗euˬ loꞈ˗ehˇ tiˬ nah aˬ yawꞈ sahˬ paˬ za geuꞈ meh lehˇ jiˇ siˬ nya˗eu meh. (1 Saˬmeuˬlaˆ 16:13) Daˬbiˇ nui jah ahˇ˗eu miˇ neh nui ma gʼawˬ mahˇ ni taˬ˗awˇ, Yeˬhawˇbaˬ˗ahˇ dawˬ nya˗euˬ meh.

Aˬ dui shaˬ zahˬ tiˬ jeˬ na˗ahˇ ya tahˬ puˬ ngeh, zaˬ siˬ nui gahˇ hawˇ˗eu noeˬ siˬ noeˬ mawˇ nya˗eu jeˬ˗ahˇ zmˬ˗awˇ, gaˇ kawˆ teu˗ahˇ laˆ piˇ nya˗eu kʼawꞈ pyeuꞈ nya meh. (1 Saˬmeuˬlaˆ 21:12-14; Dawˬdaˬ 1:4) Ehˇ kʼawꞈ, gaˇ kawˆ tiˬ jeˬ na˗aˬ, aˬ dui Jaˇliꞈ zahˇ˗ahˇ zmˬ˗awˇ kʼaˇ gʼeh nya gaˇ neh laˆ piˇ˗eu leh jeh˗eu kʼawꞈ, maˬ muiˬ daˆ laˇ˗eu kʼawꞈ pyeuꞈ nya meh. Toˆ˗ehˇ gʼeh ngeh, aˬ dui nui ma gʼawˬ mahˇ ni taˬ˗awˇ, Yeˬhawˇbaˬ˗ahˇ ya dawˬ˗eu meh. Gʼawˬ myahˇ maˬ gʼeh˗ehˇ Yeˬhawˇbaˬ shaˬ zahˬ dawˬ tawˆ luꞈ˗ahˇ laˆ byoˆ jiˇ˗awˇ, aˬ dui˗euˬ ‘myaˆ biˇ dawˬ tawˆ luꞈ˗ahˇ siˆ shawˇ nehˬ’ meh. (Pah mehˬ˗eu 21:4) Aˬ dui˗euˬ shaˬ zahˬ˗ahˇ Yeˬhawˇbaˬ caw ba˗eu miˇ neh maˬ ehˇ, nui jeˬ baˬ da neh maˬ ehˇ, laˆ piˇ nya˗euˬ kʼawꞈ, shaˬ zahˬ dawˬ tawˆ luꞈ byoˆ iˇ˗eu aˇ nah baw meh lehˇ ya noeˬ taˬ˗eu meh. Heu naˇ aˬ dui˗ahˇ gʼaˬ bi ahˇ laˇ˗eu maˬ ngeuˇ nya loˇ?

Maˬ tsaˬ maˬ dzoeˇ leˇ˗eu miˇ tsaˬ˗ahˇ mehˬ bawˬ gm˗eu tsawˇ haˬ deuˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Aˬmeˬliˇkaˬ laˆ oꞈ paw pyawˬ˗ahˇ jawˇ˗eu mehˇ nmˇ deuˬ, aˬ jeˬ jeˇ˗euˬ shaˬ zahˬ˗ahˇ ya tahˬ puˬ˗euˬ nga?

• Aˬ yawꞈ maꞈ nui gaˬ hawˇ˗eu nui ma gʼawˬ mahˇ ni taˬ˗eu jeˬ aˬ joˆ˗ehˇ mˇ mawˇ˗eu nga?

• Aˬ yawꞈ maꞈ “muiˬ dzehˬ˗eu jeˬ” maˬ ngeuˇ naˇ aˇ yeˇ huiˬ dzehˬ˗eu jeˬ˗ahˇ aˬ joˆ˗ehˇ haw tsoˆ taˬ˗euˬ nga?—Piˇliˇpiˆ 1:10