“Gʼoeˇ˗eu gaˬ˗eu jeˬ˗aˬ, dawˬ tawˆ luꞈ˗ahˇ noeˬ tmˬ coeˇ”

Yawˬ ha˗euˬ gʼaˇ duˬ tehꞈ˗ehˇ maˬ shaˇ noeˬ˗eu nui gaˬ heu naˇ, mehˇ nmˇ deuˬ˗ahˇ nui ma maˬ jiˇ ni caw ba nehˬ˗eu meh. (1 Gawˇliˬtu 13:4, 7) Yaw jeˬ ma jeˬ, mehˇ nmˇ tiˬ gʼaˬ mˇ bahˬ˗awˇ mehˬ paˇ tsoˆ paˇ˗eu jeˬ˗ahˇ za ngeh, aˬ yawꞈ teu˗ahˇ ha geuꞈ˗awˇ beˬ paˇ meh lehˇ aˬ dui noeˬ tmˬ˗eu ma. Aˬ dui nui jah paw gʼaˬ baˬ˗eu deuˬ˗ahˇ nui ma gʼawˬ mahˇ ni taˬ nehˬ˗awˇ, aˬ yawꞈ maꞈ˗ahˇ caw ba˗eu lehˇ leh jeh˗eu ma. (Loˇmaˆ 15:1) Tiˬ gʼaˬ na Yeˬhawˇbaˬ˗ahˇ byehˇ dzeh naˇ jiˇ, tiˬ nah aˬ yawꞈ maꞈ Yeˬhawˇbaˬ jawˇ gaˇ gʼoꞈ laˇ meh lehˇ noeˬ tmˬ˗eu ma.—Luˇkaꞈ 15:17, 18.

Gʼoeˇ˗eu gaˬ˗eu jeˬ˗aˬ, dawˬ tawˆ luꞈ˗ahˇ noeˬ tmˬ coeˇ˗eu lehˇ noeˬ taˬ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Aˬbaˬnaˬ˗euˬ saˇ jaˇ ziꞈ˗eu jeˬ, aˬ joˆ˗ehˇ paˇ iˇ˗euˬ nga?

• Daˬbiˇ hawˇ˗eu Yoˇbaˬ, Aˬbaˬnaˬ˗ahˇ aˬ joˆ˗ehˇ haw˗eu nga?

• Aˬ dui mehˇ nmˇ deuˬ˗ahˇ aˬ jeˬ miˇ neh nui ma maˬ ya jiˇ˗eu nga?