“Gʼoeˇ˗eu gaˬ˗eu jeˬ˗aˬ . . . huiˬ mawꞈ mahˇ mawꞈ˗eu nui ma maˬ ahˇ˗a”

Goeˇ˗eu gaˬ˗eu jeˬ, aˬ dui˗ahˇ taˬ aw nya ni caw ba nehˬ˗eu meh. (1 Gawˇliˬtu 13:4) Aˬ dui mehˇ nmˇ deuˬ˗ahˇ gaˬ naˇ, yawˬ ha aˬ cawˬ naˆ maˬ tseˇ maˬ gaˇ dzehˬ ma lehˇ maˬ noeˬ˗a. Kʼoeˇ naˇ, aˬ yawꞈ maꞈ laꞈ kʼoeˇ˗euˬ yaw muiˬ jeˬ˗ahˇ haw mawˇ˗awˇ, yawˬ ha˗euˬ bym˗eu byehˆ˗eu jeˬ˗ahˇ zmˬ˗awˇ aˬ yawꞈ maꞈ˗ahˇ caw ba˗eu meh. (Piˇliˇpiˆ 2:3, 4) Aˬ dui teu loꞈ˗ehˇ gʼeh˗eu nui gaˬ ngehˬ˗ehˇ ahˇ naˇ ngehˬ˗ehˇ, Yeˬhawˇbaˬ jiˇ aˬ yawꞈ neh noeˬ taˬ˗euˬ jeˬ˗ahˇ aˬ dui˗ahˇ ngehˬ˗ehˇ bi mˇ˗eu meh.

Gʼoeˇ˗eu gaˬ˗eu jeˬ˗aˬ, aˬ cawˬ taꞈ˗ehˇ maˬ gaˇ dzehˬ ma lehˇ maˬ noeˬ˗a lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Aˬbaˇsaˬloˬ aˬ jeˬ jeˇ jaˆ˗eu nga?

• Aˬ yawꞈ yawˬ ha jaˆ˗eu jeˬ˗ahˇ, maˬ muiˬ˗eu paw aˬ joˆ˗ehˇ zmˬ˗euˬ nga?

• Aˬ dui aˬ cawˬ naˆ maˬ tseˇ maˬ gaˇ dzehˬ maˬ lehˇ maˬ bi noeˬ˗eu gʼaˇ duˬ, aˬ joˆ˗ehˇ ya jahˇ˗eu nga?—Gaˬlaˬtiˆ 5:26