Jaˇliꞈ dzaw gaˇ zmˬ˗eu biˬdiˬoˬ deuˬ˗ahˇ aˬ joˆ˗ehˇ ya zmˬ˗eu nga?

Aˬ dui Jaˇliꞈ dzaw˗eu gaˇ kawˆ nehˬ˗ehˇ taꞈ˗eu tsaꞈ gaˬ gaˇ zmˬ˗eu biˬdiˬoˬ oeˬ hmˬ jaˆ˗eu ma. Biˬdiˬoˬ aˬ yawꞈ hmˬ yawꞈ aˬ jeˬ˗euˬ gʼaˇ duˬ nga?

• 

  Aˬ dui aˬ jeˬ miˇ neh Jaˇliꞈ dzaw paˬ˗ehˇ gʼeh˗eu nga?—Tiˬ byah lehˇ ehˇ˗eu biˬdiˬoˬ heu hmˬ naˇ, aˬ dui ngehˬ cawˬ luꞈ˗eu deuˬ aˬ jeˬ˗euˬ zahˇ tawˬ taˬ˗euˬ kʼawꞈ, Jaˇliꞈ dzaw mawꞈ laˇ ni laˆ noeˬ nehˬ˗awˇ dehꞈ ziˇ nehˬ˗ehˇ taꞈ˗eu gaˇ kawˆ˗ahˇ siˬ nya mawꞈ ngeh, Jaˇliꞈ laꞈ kʼoeˇ dawˬ kʼoꞈ poˆ mawꞈ ni laˆ noeˬ nehˬ˗eu meh. Biˬdiˬoˬ heu laꞈ kʼoeˇ yaw awˬ awˬ lehˇ gʼoˆ shaw laˇ ni ja sawˇ nehˬ taˬ˗awˇ, Jaˇliꞈ dzaw mawꞈ naˇ aˬ joˆ˗ehˇ ya jahˇ˗eu lehˇ jiˇ ehˇ nehˬ taˬ˗euˬ meh.

• 

  Aˬ dui aˬ jeˬ miˇ neh Jaˇliꞈ dzaw paˬ˗ehˇ gʼeh˗eu nga? (yaw nymˇ) Biˬdiˬoˬ heu hmˬ naˇ tiˬ byah hmˬ nehˬ˗ehˇ duˇ leˇ˗eu meh. Ehˇ kʼawꞈ, tiˬ byah hmˬ˗euˬ smˬ bymˇ laꞈ kʼoeˇ neh tiˬ bymˇ tehꞈ meh. Biˬdiˬoˬ heu hmˬ naˇ, aˇ yamˬ yaw kʼaˆ˗ehˇ maˬ jaˆ˗eu deuˬ nehˬ˗ehˇ tsaˬ leˇ˗eu meh.

• 

  Jaˇliꞈ aˬ joˆ˗ehˇ dzaw˗eu nga? Biˬdiˬoˬ heu hmˬ naˇ, tsawˇ haˬ deuˬ˗ahˇ aˬ dui nehˬ˗ehˇ aˇ poeˬ maˬ jiˇ ni Jaˇliꞈ dzaw mawꞈ laˇ ni laˆ noeˬ nehˬ˗awˇ, Jaˇliꞈ dzaw˗eu gaˇ kawˆ hawˇ˗eu Jaˇliꞈ aˬ joˆ˗ehˇ shaˇ dzaw nya˗eu gaˇ kawˆ ehˇ nehˬ taˬ˗euˬ meh.

• 

  Jaˇliꞈ dzaw˗eu gʼaˇ duˬ laˬ kʼaˬ tiˬ cehˇ ha geuꞈ ma. Biˬdiˬoˬ heu hmˬ naˇ Jaˇliꞈ dzaw zaˬ deuˬ˗ahˇ pah nehˬ˗eu meh. Biˬdiˬoˬ heu hmˬ Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ laꞈ kʼoeˇ˗euˬ myaˆ pyawˬ 2-ahˇ ahˇ kʼawꞈ, Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu boˬloˬshaˬ zmˬ˗awˇ, mehˬ ngeh jiˇ, biˬdiˬoˬ heu pah nehˬ nya˗eu meh. Biˬdiˬoˬ heu laꞈ kʼoeˇ paˇ dmˬ heu dmˬ˗euˬ gaˇ kawˆ yaw nymˇ nymˇ lehˇ dzawˇ nehˬ˗awˇ, dzaw zaˬ deuˬ Jaˇliꞈ dzaw gaˇ neh aˬ jeˬ jeˇ ya siˬ˗eu lehˇ jiˇ ehˇ nehˬ taˬ˗euˬ meh.

Biˬdiˬoˬ aˬ yawꞈ hmˬ yawꞈ tiˬ jeˬ paˬ˗euˬ gʼaˇ duˬ jahˇ doˆ taˬ˗euˬ kʼawꞈ, aˬ dui aˬ geu ngeh kʼawꞈ pah nya˗awˇ sha nehˬ nya meh. Tsaꞈ gaˬ˗eu deuˬ, biˬdiˬoˬ deuˬ˗ahˇ yaw muiˬ˗ehˇ ya zmˬ dzaw taˬ˗awˇ, gaˇ dahˇ tsoeˬ ni ya zmˬ˗eu meh.