Nawˇ Jaˇliꞈ gui ahˇ taˬ˗euˬ teˇ saˇ˗ahˇ gaˇ dahˇ tsoeˬ ni zmˬ luꞈ ma loˇ?

Jaˇliꞈ gui ahˇ taˬ˗euˬ teˇ saˇ teu naˇ aˬ jeˬ nga? Teu naˇ, Miˇ shuiꞈ dawˬ paˇ Jaˇliꞈ gui ahˇ taˬ˗euˬ teˇ saˇ pyeuꞈ meh. Teˇ saˇ teu Jaˇliꞈ laꞈ kʼoeˇ˗euˬ paˇ dmˬ tiˬ dmˬ saˇ˗i tiˬ dmˬ dawˆ laˇ˗awˇ, tsawˇ jeuˬ gʼawˬ mya jeˬ˗euˬ dawˬ neh gui ahˇ taˬ˗euˬ meh. Teu laꞈ kʼoeˇ muiˬ dui dui˗eu tiˬ jeˬ naˇ, Jaˇliꞈ laꞈ kʼoeˇ˗euˬ tsawˇ haˬ deuˬ nehˬ˗ehˇ bi tsaˬ leˇ˗eu gʼaˇ duˬ, tsawˇ haˬ gʼawˬ mya gʼaˬ˗euˬ teˇ saˇ zmˬ taˬ˗euˬ meh. Teˇ saˇ deuˬ gui tsaˬ taˬ˗awˇ, gui luꞈ˗eu gaˇ kawˆ nehˬ˗ehˇ tsaˬ leˇ ni jiˇ teˇ saˇ gʼawˬ mya jeˬ lehˇ zmˬ taˬ˗euˬ meh.

Jaˇliꞈ gui ahˇ taˬ˗euˬ teˇ saˇ heu naˇ, aˬ joˆ˗ehˇ gaˇ dahˇ tsoeˬ˗eu nga? Gʼawˬ mya gʼaˬ Jaˇliꞈ gui ahˇ taˬ˗euˬ teˇ saˇ˗ahˇ naˇ haˬ ngeh, aˬ yawꞈ maꞈ jiˇ gaˇ kawˆ teu laꞈ kʼoeˇ jawˇ luꞈ gaˇ duˇ nya lehˇ ehˇ˗eu meh. Gʼawˬ mya gʼaˬ˗euˬ teˇ saˇ ahˇ˗eu heu naˇ, aˬ yawꞈ maꞈ˗ahˇ Jaˇliꞈ laꞈ kʼoeˇ˗euˬ gaˇ kawˆ˗ahˇ gʼoˆ shaw dzehˬ laˇ ni caw ba nehˬ˗awˇ, aˇ baˇ noeˬ mawˇ˗eu jiˇ yaw awˬ nya lehˇ ehˇ˗eu meh. (Dawˬdaˬ 4:5) Tiˬ deuˬ na noeˬ shaˬ kʼahˬ lahˇ ngeh, teˇ saˇ teu naˇ haˬ˗eu nui ma bi saˇ laˇ nya lehˇ ehˇ˗eu meh.—Ja ceuˬ 94:19

Jaˇliꞈ gui ahˇ taˬ˗euˬ teˇ saˇ heu naˇ, aˬ dui˗ahˇ mˇ doˆ shaˇ doˆ laꞈ ni laˆ noeˬ nehˬ˗eu baoˬ ahˇ˗eu meh. (2 Laˬsaˬbaˬ 34:19-21) Nawˇ gʼoˆ shaw nya˗eu dawˬ Jaˇliꞈ tiˬ paˆ na, maˬ ngeuˇ naˇ dawˬ tawˆ luꞈ gui ahˇ taˬ˗euˬ teˇ saˇ jaˆ naˇ, nawˇ aˬ myah luꞈ naˇ haˬ˗eu gʼaˇ duˬ aˇ yamˬ biˇ taˬ maˬ loˇ?

Jaˇliꞈ gui ahˇ taˬ˗euˬ teˇ saˇ aˬ joˇ joˆ˗ehˇ jahˇ˗euˬ nga?—Tiˬ tsahˇ na lehˇ gʼeh˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

Jaˇliꞈ gui ahˇ˗eu teˇ saˇ jahˇ˗eu gaˇ kawˆ˗ahˇ haw ngeh, nawˬ˗ahˇ aˬ geu tsahˇ˗ahˇ ya leˇ nya?