Yawˬ nah na luꞈ Jaˇliꞈ gui

Gaˇ mˇ˗eu jeˬ myaˬ dui dui˗eu baˬ da neh yawˬ nah na luꞈ Jaˇliꞈ gui˗eu gʼaˇ duˬ shaˬ miˇ˗a loˇ? (Yawˇshuˆ 1:8) Shaˬ luꞈ˗eu ngeuˇ naˇ, laꞈ oˆ paw jaˆ˗eu nui noeˬ nui duˇ tiˬ hmˬ na˗ahˇ mˇ caw haw˗awˬ:

• Yawˬ nah na luꞈ saˇ tiˇ biꞈ˗eu teˇ saˇ toeˬ taˬ. Jaˇliꞈ gui˗eu aˇ yamˬ tsaˬ laˇ ngeh, naˬ gaˬ teˇ saˇ mahˇ laˇ ni toeˬ taˬ˗awˇ bi jaˆ.

• Jaˇliꞈ mawˇ laˇ gaˇ yuˇ taˬ. Nawˇ Jaˇliꞈ paˇ dmˬ neh gui naˇ, yawˬ nah na luꞈ mawˇ laˇ gaˇ yuˇ taˬ taˬ.—Dawˬmehˬmehˬ˗eu 11:18.

• Jaˇliꞈ gui ahˇ taˬ˗euˬ teˇ saˇ naˇ haˬ. Yawˬ nah na luꞈ gaˇ mˇ luꞈ ngeh, Jaˇliꞈ gui ahˇ taˬ˗euˬ teˇ saˇ naˇ haˬ˗awˬ. Aˬ ma jiˇ pyeuꞈ˗awˇ, huˬ mehˬ mehˬ˗eu gʼaˬ jiˇ geuꞈ˗eu mehˇ nmˇ Tehˇlaˬ, gaˇ uˬ ciꞈ paw mˇ˗eu meh. Aˬ yawꞈ “Ngaˇ iˇ kahˇ˗euˬ gaˇ mˇ ngeh, Jaˇliꞈ gui ahˇ taˬ˗euˬ teˇ saˇ naˇ haˬ˗eu miˇ neh yawˬ nah na luꞈ Jaˇliꞈ gui pyeuꞈ gaˇ duˇ miˇ˗a” lehˇ ehˇ˗eu meh.

• Gui pyeuꞈ ni leh jeh˗awˬ. Gaˇ kawˆ tiˬ jeˬ na doˆ laˇ˗euˬ baˬ da neh nawˬ neh bawˬ toˆ toˆ taˬ˗euˬ loꞈ˗ehˇ Jaˇliꞈ maˬ gui nya naˇ, maˬ yuꞈ kʼaˆ leˇ mi naˆ˗ehˇ nyiˬ deuˆ smˬ deuˆ tehꞈ˗ehˇ kʼawꞈ gui˗awˬ. Maˬ gui˗eu naˆ maˬ tseˇ yawˬ nah na luꞈ ui cuiˆ tehꞈ˗ehˇ ya gui˗euˬ kʼawꞈ, gaˇ dahˇ tsoeˬ˗eu jeˬ za meh.—1 Beˬtuˆluˆ 2:2.

(Taiˬ hawˇ˗eu Mam dawˬ˗ahˇ haw nya meh.)