Ka kʼoꞈ˗eu jeˬ maˬ jaˆ laˇ mi naˆ˗ehˇ iˬ baˇ pyehˬ nehˬ˗eu jeˬ

Yeˬsuˇ˗euˬ ka kʼoꞈ˗eu jeˬ heu baˬ da neh tehꞈ˗ehˇ, aˬ dui˗euˬ iˬ baˇ pyehˬ nehˬ laꞈ˗eu jeˬ˗ahˇ za˗eu meh. (Eˇpeˇsu 1:7) Ehˇ kʼawꞈ Jaˇliꞈ˗ahˇ Miˬyehˇ “dzeuˇ laˇ ngeh aˬ yawꞈ nui ma gʼawˬ mahˇ ni taˬ˗awˇ, tsawˇ haˬ zaˬ˗euˬ iˬ baˇ˗ahˇ haw dzeuˇ nehˬ˗euˬ meh” lehˇ ehˇ taˬ˗euˬ meh. Teu naˇ Yeˬsuˇ ziˇ maˬ lawˇ le mi na˗ehˇ˗euˬ aˇ yamˬ˗ahˇ ehˇ mawꞈ˗eu meh. (Loˇmaˆ 3:25) Ka kʼoꞈ˗eu jeˬ maˬ biꞈ dah˗euˬ kʼawꞈ, Yeˬhawˇbaˬ aˬ jeˬ miˇ neh iˬ baˇ pyehˬ nehˬ nya˗eu nga? Heu naˇ Yeˬhawˇbaˬ˗euˬ tsaˬ˗eu dawˇ˗eu zahˇ nehˬ˗ehˇ aˬ jeˬ miˇ neh tsaˬ˗eu nga?

Yeˬhawˇbaˬ tsawˇ haˬ zaˬ˗ahˇ ka kʼoꞈ˗eu gʼaˇ duˬ “zaˬ deuˬ” bi dehꞈ le˗eu lehˇ noeˬ tsehˆ ngeh neh, Yeˬhawˇbaˬ˗euˬ gʼaˇ duˬ ka kʼoꞈ˗eu jeˬ biꞈ dzeuˇ˗euˬ gaˇ duˇ˗eu meh. (Aˇdahˬbeh˗eu 3:15; 22:18) Yeˬhawˇbaˬ aˇ yamˬ tsaˬ laˇ ngeh, tiˬ gʼaˬ tehꞈ˗ehˇ gʼeh˗eu Zaˬmaˇ, nui ma keuˆ˗eu laꞈ kʼoeˇ ziˇ lawˇ nehˬ meh lehˇ jah ziꞈ˗eu meh. (Gaˬlaˬtiˆ 4:4; Heˬbyehˇ 10:7-10) Yeˬsuˇ miˇ tsaˬ kʼoeˇ taˆ jawˇ ngeh, ka kʼoꞈ˗eu jeˬ˗euˬ gʼaˇ duˬ ziˇ maˬ lawˇ mi na˗ehˇ, iˬ baˇ pyehˬ nehˬ nya˗eu baoˬ za˗euˬ meh. Teu naˇ Yeˬsuˇ aˬ yawꞈ neh lawˇ nehˬ˗eu jeˬ tsawˇ haˬ zaˬ˗euˬ gʼaˇ duˬ iˬ baˇ pyehˬ nehˬ nya meh lehˇ siˬ nya˗eu miˇ neh meh.—Maꞈtehˬ 9:2-6.

(Taiˬ hawˇ˗eu Mam dawˬ˗ahˇ haw nya meh.)