Ehˇ keuˆ mawꞈ˗eu tsoꞈ tsaꞈ˗eu jeˬ˗ahˇ zmˬ˗awˇ pyehˆ tseˇ

Miˇ shuiꞈ dawˬ paˇ Jaˇliꞈ˗ahˇ gaˇ kawˆ tiˬ kawˆ˗ahˇ dzawˇ lahˬ nehˬ˗eu Jaˇliꞈ aˇ deuˆ deuˬ ahˇ˗eu meh. Jaˇliꞈ aˇ deuˆ teu deuˬ˗ahˇ ehˇ mawꞈ˗eu tsoꞈ tsaꞈ˗eu jeˬ dawˆ ahˇ nehˬ taˬ˗euˬ meh. Teu˗ahˇ haw ngeh Jaˇliꞈ dmˬ lah ni mehˬ shi naˇ kʼah aˬ yawꞈ tiˬ gaˇ tsaˬ leˇ jiˇ˗eu lehˇ siˬ laˇ˗eu meh. Ehˇ keuˆ mawˬ˗eu tsoꞈ tsaꞈ˗eu jeˬ teu, dawˬ tiˬ dawˬ˗euˬ gaˇ dzeˇ sahˬ boꞈ aˇ mawˇ tiˬ mawˇ laˆ pyeuꞈ˗awˇ bi jaˆ taˬ˗euˬ meh. Seuˬ gʼaˬ aˇ taꞈ pyeuꞈ˗eu Jaˇliꞈ paˇ dm˗ahˇ gui naˇ, gʼahˇ ceh nyiˬ paˆ˗ehˇ jaˆ˗eu aˇ kawˆ laꞈ kʼoeˇ duˇ leˇ˗eu sahˬ boꞈ aˇ mawˇ˗ahˇ ya haw˗eu meh. jw.org gʼoeˇsaiˇ hawˇ˗eu JW Laiˇbaˬliˬ laꞈ kʼoeˇ naˇ, ehˇ keuˆ mawꞈ˗eu tsoꞈ tsaꞈ˗eu jeˬ˗ahˇ haw˗eu gʼaˇ duˬ, sahˬ boꞈ aˇ mawˇ teu mawˇ˗ahˇ gaˇ dzeˇ paw yuˇ taˬ taˬ˗euˬ sahˬ boꞈ aˇ mawˇ teu mawˇ˗ahˇ toeˬ naˇ gʼaˬ meh.

Ehˇ keuˆ mawꞈ˗eu tsoꞈ tsaꞈ˗eu jeˬ˗ahˇ toeˬ mehˬ taˬ˗euˬ Jaˇliꞈ aˇ deuˆ deuˬ naˇ, laꞈ oˆ jaˆ˗eu gaˇ kawˆ heu deuˬ˗ahˇ bi siˬ˗eu meh:

Gaˇ kawˆ aˬ yawꞈ tiˬ kawˆ˗ahˇ ngehˬ keuˆ taˬ: Duˇ leˇ˗eu gaˇ kawˆ deuˬ˗ahˇ yawˬ tsahˇ yawˬ aˬ gaˇ paˇ jaˆ nga siˬ lehˇ bi siˬ˗eu meh. Yaw jeˬ ma jeˬ, 2 Saˬmeuˬlaˆ 24:1 hawˇ˗eu 1 Laˬsaˬbaˬ 21:1-ahˇ haw.

Gaˇ kawˆ oe duˬ: Duˇ leˇ˗eu dawˬ tiˬ dawˬ na aˬ gaˇ neh oe˗euˬ lehˇ bi siˬ. Yaw jeˬ ma jeˬ, Maꞈtehˬ 4:4 hawˇ˗eu Dawˬmehˬmehˬ˗eu 8:3-ahˇ haw.

Byah laˇ˗euˬ maˬ keuˆ laˇ miˇ ehˇ taˬ˗euˬ dawˬ: Maˬ keuˆ laˇ miˇ ehˇ taˬ˗euˬ dawˬ hawˇ˗eu byah laˇ˗euˬ dawˬ˗ahˇ bi siˬ. Yaw jeˬ ma jeˬ, Maꞈtehˬ 21:5 hawˇ˗eu Zaˬkaˬliˇ 9:9-ahˇ haw.

(Taiˬ hawˇ˗eu Mam dawˬ˗ahˇ haw nya meh.)