Muiˬ˗eu gaˇ kawˆ, aˬ jeˬ˗ahˇ ehˇ˗eu nga?

1. Miˬyehˇ aˬ jeˬ˗euˬ gaˇ kawˆ tsaꞈ leꞈ˗euˬ nga?

Miˬyehˇ tsawˇ haˬ zaˬ˗ahˇ, miˇ tsaˬ kʼoeˇ taˆ yaw byawˬ byawˬ lehˇ bi jawˇ mawꞈ˗eu meh. Miˇ tsaˬ hawˇ˗eu yawˬ jeˬ na luꞈ˗ahˇ beh˗euˬ heu naˇ, tsawˇ haˬ zaˬ˗ahˇ gaˬ˗eu miˇ neh meh. Gʼawˬ myahˇ maˬ gʼeh˗ehˇ, Miˬyehˇ tsawˇ haˬ zaˬ deuˬ˗euˬ dehꞈ ziˇ muiˬ daˆ laˇ ni lehˬ hmˬ taˬ˗euˬ meh. Tsawˇ haˬ˗ahˇ bi suˬ saˬ luꞈ˗eu gaˇ kawˆ heu deuˬ˗ahˇ kʼawꞈ, Miˬyehˇ laˆ cawˆ jiˇ meh.—Yeˬlaˬmiˇ 29:11-ahˇ gui˗awˬ.

Miˇ tsaˬ˗ahˇ uˆ lahˇ˗eu aˬ yuiꞈ deuˬ aˇ naˆ ni leh jeh kʼawꞈ, shiˇ˗eu, naˇ˗eu, shaˬ˗eu zahˬ˗eu jeˬ˗ahˇ, maˬ laˆ byoˆ nehˬ nya. Ehˇ kʼawꞈ muiˬ˗eu gaˇ kawˆ jaˆ meh. Gʼawˬ myahˇ maˬ gʼeh˗ehˇ, Miˬyehˇ miˇ tsaˬ kʼoeˇ taˆ uˆ lahˇ luꞈ˗eu deuˬ˗ahˇ laˆ cawˆ jiˇ˗awˇ, Miˬyehˇ uˆ lahˇ le ma lehˇ ehˇ taˬ˗euˬ meh. Miˬyehˇ uˆ lahˇ˗eu uꞈ moˆ jawˇ˗eu deuˬ naˇ, zaˬ muiˬ jawˇ saˇ doˆ˗awˇ, nui saˇ oꞈ˗eu jeˬ za meh.—Iˇsaˬyaˇ 25:8; 33:24; Daˬyeˬlaˇ 2:44-ahˇ gui˗awˬ.

2. Aˬ jeˬ miˇ neh gaˇ kawˆ heu, nawˬ˗euˬ gʼaˇ duˬ aˇ yehˇ huiˬ˗eu nga?

Miˇ tsaˬ kʼoeˇ taˆ tsawˇ haˬ yaw haiˬ yaw doeˇ deuˬ˗ahˇ, laˆ cawˆ jiˇ˗awˇ neh tehꞈ˗ehˇ, shaˬ˗eu zahˬ˗eu jeˬ byoˆ iˇ jiˇ˗eu meh. (Zeˬpaˬniˇ 2:3) Miˬyehˇ aˇ myah laˆ cawˆ˗eu nga? Nymˇ tsawˇ haˬ zaˬ suˬ saˬ luꞈ˗eu gaˇ kawˆ heu deuˬ, Jaˇliꞈ laꞈ kʼoeˇ ehˇ dzeuˇ taˬ˗euˬ meh. Nymˇ miˇ tsaˬ kʼoeˇ taˆ pyeuꞈ luꞈ˗eu gaˇ kawˆ heu deuˬ, yaw haiˬ yaw doeˇ deuˬ˗ahˇ, laˆ cawˆ˗eu aˇ yamˬ tsaˬ laˇ shaw˗iˬ meh lehˇ, toeˬ mehˬ˗eu jeˬ pyeuꞈ˗eu meh.—2 Tiˆmoˇseˬ 3:1-5-ahˇ gui˗awˬ.

3. Aˬ dui aˬ jeˬ jahˇ paˬ nga?

Jaˇliꞈ˗a, Miˬyehˇ˗euˬ dawˬ meh. Jaˇliꞈ laꞈ kʼoeˇ neh Miˬyehˇ˗euˬ gaˇ kawˆ˗ahˇ dzaw˗eu loˬ meh. Jaˇliꞈ˗aˬ, gaˬ˗eu aˬ da neh biꞈ leꞈ˗euˬ sahˬ boꞈ tiˬ taꞈ˗ahˇ duˇ˗eu meh. Jaˇliꞈ dzaw naˇ, aˬ dui˗euˬ dehꞈ ziˇ muiˬ daˆ laˇ ni, aˬ joˆ˗ehˇ ya jahˇ˗eu lehˇ siˬ nya laˇ˗awˇ, mehˬ hu paw dehꞈ˗eu jeˬ za ni aˬ joˆ˗ehˇ ya jahˇ˗eu lehˇ kʼawꞈ siˬ nya laˇ˗eu meh. Tiˬ deuˬ na˗aˬ, nawˇ Jaˇliꞈ dzaw gaˇ maˬ ya leˇ˗eu jiˇ jawˇ tehꞈ˗a. Ehˇ kʼawꞈ teu deuˬ baˬ da neh, Miˬyehˇ dawˬ kawˬ dzaw˗eu jeˬ˗ahˇ taˬ byehˇ dzeh, nawˬ˗euˬ gʼaˇ duˬ mehˬ hu paw muiˬ dui dui˗eu jeˬ jaˆ˗eu meh lehˇ, Miˬyehˇ saˇ jaˇ dzaˬ taˬ˗euˬ meh.—Dawˬdaˬ 29:25; Pah mehˬ˗eu 14:6, 7-ahˇ gui˗awˬ.