Miˬyehˇ˗euˬ gaˇ mˇ paw bym laˇ—Nui ma keuˆ˗awˇ yaw tsaˬ yaw dawˇ˗ahˇ ha geuꞈ˗eu deuˬ˗ahˇ gʼaˬ kʼehˇ pyeuꞈ laˇ ni caw ba nehˬ

Aˬ jeˬ miˇ neh aˇ yeˇ huiˬ˗eu nga?: Yeˬhawˇbaˬ “mˬ maˬ maˬ byaˆ zaˇ ziˇ dehꞈ˗eu jeˬ za ni” nui ma keuˆ˗awˇ yaw tsaˬ yaw dawˇ˗ahˇ ha geuꞈ˗eu tsawˇ haˬ deuˬ˗euˬ nui ma laꞈ kʼoeˇ, yaw tsaˬ yaw dawˇ˗euˬ siˬ yoeˬ bi huiˬ laˇ˗eu meh. (Kʼehˇ 13:48; 1Gawˇ 3:7) Aˬ dui aˬ yawꞈ maꞈ neh ya dzaw˗euˬ loꞈ˗ehˇ mˇ caw˗eu deuˬ˗ahˇ caw ba˗eu gʼaˇ duˬ, Miˬyehˇ nehˬ˗ehˇ gaˇ mˇ˗eu laꞈ kʼoeˇ kʼaˇ gʼeh nya gaˇ neh leh jeh˗eu ma. (1Gawˇ 9:26) Aˬ dui Ka li zaˬ deuˬ iˇ cuꞈ shawˇ˗eu heu naˇ, ka kʼoꞈ˗eu jeˬ za˗eu gʼaˇ duˬ aˇ yeˇ huiˬ˗eu jeˬ pyeuꞈ meh lehˇ Jaˇliꞈ dzaw zaˬ˗ahˇ ya bi gʼoˆ shaw˗eu meh. (1Beˬ 3:21) Aˬ dui aˬ yawꞈ maꞈ˗ahˇ dehꞈ poˆ dehꞈ paˇ laˇ ni maˬ ehˇ, tsaꞈ gaˬ nya laˇ˗awˇ dawˬ mehˬ mehˬ nya laˇ ni maˬ ehˇ, Yeˬhawˇbaˬ˗ahˇ a nehˬ nya laˇ ni maˬ ehˇ, mehˬ nehˬ˗awˇ gʼaˬ kʼehˇ pyeuꞈ laˇ ni caw ba nehˬ˗eu ma.—Tehˬ 28:19, 20.

Mˇ paˬ˗ehˇ gʼeh˗eu jeˬ:

• Jaˇliꞈ dzaw˗eu heu naˇ Yeˬhawˇbaˬ˗ahˇ siˬ nya laˇ˗awˇ aˬ yawꞈ nui kʼahˇ shiˇ˗eu jeˬ mˇ˗eu gʼaˇ duˬ meh lehˇ, Jaˇliꞈ dzaw zaˬ deuˬ˗ahˇ ehˇ nehˬ.—Yoˇ 17:3

• Aˬ yawꞈ maꞈ˗ahˇ nui jah paw maˬ bi huiˬ laˇ ni laˆ tsoeˬ˗eu jeˬ˗ahˇ gʼaˬ leˇ ni caw ba nehˬ. Yaw jeˬ ma jeˬ, maˬ muiˬ˗eu nui ma, maˬ muiˬ˗eu cawˬ

• Iˇ cuꞈ maˬ shawˇ mi naˆ˗ehˇ maˬ ehˇ, shawˇ dzeuˇ˗awˇ neh maˬ ehˇ, aˬ yawꞈ maꞈ˗ahˇ gʼaˬ biꞈ˗awˇ caw ba nehˬ.—Kʼehˇ 14:22

Yeˬhawˇbaˬ nawˬ˗ahˇ caw ba nehˬ meh lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• Tiˬ gʼaˬ na maˬ a nehˬ peuˬ ni maˬ ehˇ, iˇ cuꞈ maˬ shawˇ peuˬ ni maˬ ehˇ aˬ jeˬ˗ahˇ guˆ˗eu nga?

• Aˇ muˇ˗ahˇ sheuˬ gʼeh˗eu deuˬ Jaˇliꞈ dzaw zaˬ deuˬ˗euˬ nui jah huiˬ laˇ mahˇ laˇ ni aˬ joˆ˗ehˇ caw ba nehˬ nya˗eu nga?

• Iˇsaˬyaˇ 41:10 Yeˬhawˇbaˬ nehˬ˗ehˇ taꞈ leˇ˗awˇ aˬ dui˗ahˇ aˬ jeˬ mehˬ˗eu nga?

• Aˬ dui maˬ byah kuꞈ kʼawꞈ, Yeˬhawˇbaˬ nui ma tsaˬ paˬ˗ehˇ aˬ yawꞈ˗euˬ gaˇ mˇ nya ni caw ba nehˬ˗eu aˬ jeˬ˗euˬ sheu dzeuꞈ aˇ gʼehˇ nga?