Dzaw deuˆ 5

Gui tsaˬ

1 Tiˆmoˇseˬ 4:13

Aˇ yeˇ huiˬ˗eu jeˬ: Teˇ saˇ kʼaˇ boꞈ taˬ˗euˬ loꞈ˗ehˇ gui tsaˬ.

Yaw muiˬ˗ehˇ lehˬ hmˬ. Gaˇ kawˆ teu aˬ jeˬ miˇ neh boꞈ˗euˬ nga lehˇ shaˇ noeˬ. Sahˬ boꞈ aˬ yawꞈ mawˇ yawꞈ˗ehˇ maˬ gui ni, aˬ yawꞈ dawˬ yawꞈ˗ehˇ gui dzaw. Maˬ gui lahˬ, maˬ gui dzeuˇ, maˬ gui paˇ ni yahˇ. Naˬ leˇ paˬ˗ehˇ gʼeh˗eu tsahˇ˗ahˇ naˬ leˇ.

Aˬ dui gui dzaw ngeh cawˬ tiˬ gʼaˬ na neh bi naˇ haˬ˗awˇ, aˬ geu dawˬ˗ahˇ maˬ gui tsaˬ nya lehˇ bi ehˇ nehˬ.
Aˬ yawꞈ dawˬ yawꞈ˗ehˇ gui doˆ laꞈ˗awˇ gui tsaˬ. Tiˬ dawˬ na˗ahˇ aˬ joˆ˗ehˇ ya gui˗eu maˬ siˬ naˇ, diˇshaˬnaˬliˬ˗ahˇ haw˗awˇ, teˇ saˇ˗ahˇ naˇ haˬ, maˬ ngeuˇ naˇ yaw muiˬ˗ehˇ gui nya deuˬ˗ahˇ naˇ haˬ.
Yaw maˇ maˇ˗ehˇ ngehˬ. Dawˬ deuˬ˗ahˇ yaw lawˆ lawˆ˗ehˇ yaw maˇ maˇ˗ehˇ ngehˬ. Uˬ duˬ baꞈ diˇ˗awˇ, kʼaˬ meh gʼawˇ nga, kʼoeˇ naˇ teˇ saˇ maˇ jawˆ ni ngehˬ doˆ laꞈ.

Yaw maˇ maˇ˗ehˇ ya gui kʼawꞈ, aˇ dzehˬ dzeuˇ ni taˬ laˆ maˇ.